ਆਕਲੈਂਡ(ਬਲਜਿੰਦਰ ਸਿੰਘ)ਨੌਕਰੀ ਦੀ ਭਾਲ ਕਰ ਰਹੇ ਨਿਊਜ਼ੀਲੈਂਡ ਵਾਸੀਆਂ ਲਈ ਵੱਡੀ ਤੇ ਖੁਸ਼ੀ ਦੀ ਖਬਰ ਹੈ ਕਿ ਆਕਲੈਂਡ ਇੰਟਰਨੈਸ਼ਨਲ ਏਅਰਪੋਰਟ 2000 ਤੋਂ ਵੱਧ ਨੌਕਰੀਆਂ ਦੇ ਨਾਲ ਇੱਕ ਨੌਕਰੀ ਮੇਲੇ ਲੱਗਣ ਜਾ ਰਿਹਾ ਹੈ ਜਿਸ ਵਿੱਚ ਟਰਮੀਨਲ, ਬੈਗੇਜ ਹੈਂਡਲਿੰਗ, ਸਕਿਓਰਟੀ, ਬਾਰਡਰ ਐਂਡ ਏਅਰਲਾਈਨ ਆਪਰੇਸ਼ਨ, ਰਿਟੇਲ ਐਂਡ ਹੋਸਪੀਟੇਲਟੀ ਵਰਗੀਆਂ ਨੌਕਰੀਆਂ ਸ਼ਾਮਿਲ ਹੋਣਗੀਆਂ। 30 ਜੁਲਾਈ ਨੂੰ ਹੋਣ ਵਾਲੇ ਇੱਕ ਰੋਜ਼ਾ ਸਮਾਗਮ ਵਿੱਚ ਲਗਭਗ 30 ਕੰਪਨੀਆਂ ਵੱਲੋਂ ਇਸ ਦੀ ਨੁਮਾਇੰਦਗੀ ਕੀਤੀ ਜਾਵੇਗੀ।ਇਸ ਲੱਗ ਰਹੇ ਨੌਕਰੀ ਮੇਲੇ ਵਿੱਚ ਜੋ ਕਾਰੋਬਾਰ ਕਰਮਚਾਰੀਆਂ ਦੀ ਭਰਤੀ ਕਰ ਰਹੇ ਹਨ ਉਹਨਾਂ ਵਿੱਚ ਆਕਲੈਂਡ ਏਅਰਪੋਰਟ, ਏਅਰ ਨਿਊਜ਼ੀਲੈਂਡ, ਇਮੀਗ੍ਰੇਸ਼ਨ ਨਿਊਜ਼ੀਲੈਂਡ, ਨੋਵੋਟੇਲ ਆਕਲੈਂਡ ਏਅਰਪੋਰਟ ਅਤੇ ਮੈਕਡੋਨਾਲਡਸ ਸ਼ਾਮਿਲ ਹਨ। ਆਕਲੈਂਡ ਏਅਰਪੋਰਟ ਦੇ ਮੁੱਖ ਪ੍ਰਬੰਧਕ ਕੈਰੀ ਹਰੀਹੈਂਗਨੁਈ ਨੇ ਦੱਸਿਆ ਕਿ ਇਹ ਜੋਬ ਫੇਅਰ ਲਾਉਣ ਦਾ ਮੁੱਖ ਮਕਸਦ ਇਹ ਹੈ ਕਿ ਇਮਪਲਾਇਰ ਤੇ ਇਮਪਲਾਈ ਸਿੱਧੇ ਤੌਰ ‘ਤੇ ਆਪਸ ਵਿੱਚ ਸੰਪਰਕ ਵਿੱਚ ਆ ਸਕਣ।
