ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ)ਨਾਰਥਲੈਂਡ, ਆਕਲੈਂਡ ਅਤੇ ਪੂਰਬੀ ਤੱਟ ‘ਤੇ ਬੀਤੀ ਰਾਤ ਤੋ ਭਾਰੀ ਮੀਂਹ ਪੈ ਰਿਹਾ ਹੈ।ਮੌਸਮ ਵਿਭਾਗ ਵੱਲੋਂ ਅੱਜ ਉੱਤਰੀ ਟਾਪੂ ਲਈ 13 ਗੰਭੀਰ ਮੌਸਮ ਚੇਤਾਵਨੀਆਂ ਜਾਰੀ ਕੀਤੀਆਂ ਗਈਆਂ ਹਨ, ਜੋ ਕਿ ਨੌਰਥਲੈਂਡ, ਆਕਲੈਂਡ ਅਤੇ ਈਸਟ ਕੋਸਟ ਨੂੰ ਕਵਰ ਕਰਦੀਆਂ ਹਨ।ਕੋਰੋਮੰਡਲ ਟਾਊਨ ਵਿੱਚ ਅੱਜ ਸਵੇਰੇ ਹਨੇਰੀ ਕਾਰਨ ਬਿਜਲੀ ਦੀਆਂ ਤਾਰਾਂ ਡਿੱਗਣ ਕਾਰਨ ਜ਼ਿਆਦਾਤਰ ਘਰਾਂ ਵਿੱਚ ਬਿਜਲੀ ਨਹੀਂ ਰਹੀ।ਸਵੇਰੇ 8 ਵਜੇ ਤੋਂ ਠੀਕ ਪਹਿਲਾਂ ਕੋਰੋਮੰਡਲ ਦੇ ਪੱਛਮੀ ਪਾਸੇ ਵਾਲੇ ਸ਼ਹਿਰ ਵਿੱਚ ਬਿਜਲੀ ਗੁੱਲ ਹੋ ਗਈ ਸੀ।ਪਾਵਰਕੋ ਨੇ ਕਿਹਾ ਕਿ ਸਿਰਫ 2000 ਤੋਂ ਵੱਧ ਸੰਪਤੀਆਂ ਪ੍ਰਭਾਵਿਤ ਹੋਈਆਂ ਹਨ ਅਤੇ ਅੱਜ ਦੁਪਹਿਰ ਬਾਅਦ ਬਿਜਲੀ ਦੇ ਮੁੜ ਚਾਲੂ ਹੋਣ ਦੀ ਉਮੀਦ ਹੈ।ਆਕਲੈਂਡ ਹਾਰਬਰ ਬ੍ਰਿਜ ਦੀ ਵਰਤੋਂ ਕਰਨ ਵਾਲੇ ਵਾਹਨ ਚਾਲਕਾਂ ਨੂੰ ਪੁੱਲ ਪਾਰ ਕਰਦੇ ਸਾਵਧਾਨੀ ਨਾਲ ਗੱਡੀ ਚਲਾਉਣ ਲਈ ਕਿਹਾ ਗਿਆਂ ਹੈ।
