ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ) ਬੁੱਧਵਾਰ ਸ਼ਾਮ ਨੂੰ ਆਕਲੈਂਡ ਡੇਅਰੀ ਵਰਕਰ ਦੀ ਚਾਕੂ ਮਾਰ ਕੇ ਹੱਤਿਆ ਕਰਨ ਵਾਲੇ ਵਿਅਕਤੀ ਦੀ ਭਾਲ ਤੀਜੇ ਦਿਨ ਵਿੱਚ ਦਾਖਲ ਹੋ ਗਈ ਹੈ।ਆਦਮੀ ਨੇ ਸਾਰੇ ਕਾਲੇ ਕੱਪੜੇ ਪਾਏ ਹੋਏ ਸਨ – ਕਾਲੇ ਰੰਗ ਦੀ ਜੁੱਤੀ, ਟੋਪੀ ਅਤੇ ਇੱਕ ਲੰਮੀ ਬਾਹਾਂ ਵਾਲੀ ਕੋਟੀ ਪਾਈ ਹੋਈ ਸੀ।ਇਸ ਵਿਅਕਤੀ ਦੀ ਭਾਲ ਪੁਲਿਸ ਵੱਲੋਂ ਲਗਾਤਾਰ ਜਾਰੀ ਹੈ।ਸੈਂਡਰਿੰਗਮ ਦੇ ਰੋਜ਼ ਕਾਟੇਜ ਸੁਪਰੇਟ ਤੋਂ ਤੋ ਚੋਰੀ ਕਰਨ ਵਾਲੇ ਇਸ ਵਿਅਕਤੀ ਨੇ ਡੇਅਰੀ ਤੇ ਕੰਮ ਕਰ ਰਹੇ ਕਰਮਚਾਰੀ ਤੇ ਚਾਕੂ ਨਾਲ ਵਾਰ ਕੀਤਾ ਸੀ ਜਿਸ ਵਿੱਚ ਕਰਮਚਾਰੀ ਦੀ ਹਸਪਤਾਲ ਵਿੱਚ ਮੌਤ ਹੋ ਗਈ ਸੀ।
