ਬਟਾਲਾ ‘ਚ ਲੋਹੜੀ ਦੇ ਤਿਉਹਾਰ ਨੂੰ ਲੈ ਕੇ ਸਾਲਾਂ ਤੋਂ ਪਤੰਗ ਉਡਾਉਣ ਦਾ ਸ਼ੌਕ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ ਬਟਾਲਾ ‘ਚ ਪਤੰਗ ਬਣਾਉਣ ਵਾਲੇ ਰਾਜ ਨੇ ਦੱਸਿਆ ਕਿ ਇਸ ਵਾਰ ਉਨ੍ਹਾਂ ਨੇ ਅਜਿਹੀ ਪਤੰਗ ਬਣਾਈ ਹੈ ਜੋ ਪੂਰੇ ਸ਼ਹਿਰ ‘ਚ ਅਜਿਹੀ ਇਕੋ ਹੀ ਹੋਵੇਗੀ ਅਤੇ ਜਦੋ ਇਹ ਅਸਮਾਨ ‘ਚ ਉੱਡੇਗੀ ਤਾਂ ਇਹ ਸਭ ਤੋਂ ਵੱਖਰੀ ਹੋਵੇਗੀ। ਕਿਉਂਕਿ ਉਸ ਪਤੰਗ ਨੂੰ ਬਣਾਉਣ ਵਿੱਚ 6 ਦਿਨ ਲੱਗੇ ਹਨ ਜੋ ਬਾਂਸ ਦੀ ਲੱਕੜ ਦੀ ਹੈ, ਇਸ ਪਤੰਗ ਦੇ ਕਾਗਜ਼ ਵਿੱਚ ਕੋਈ ਜੋੜ ਨਹੀਂ ਹੈ ਅਤੇ ਉਸਨੇ ਦੱਸਿਆ ਕਿ ਇਹ ਪਤੰਗ ਲੋਹੜੀ ਵਾਲੇ ਦਿਨ ਚੜ੍ਹਾਈ ਜਾਵੇਗੀ। ਜਦੋਂ ਉਸਨੂੰ ਇਹ ਦੱਸਣ ਲਈ ਕਿਹਾ ਗਿਆ ਕਿ ਇਹ ਕਿਸ ਧਾਗੇ ‘ਤੇ ਚੜ੍ਹਾਇਆ ਜਾਵੇਗਾ ਤਾਂ ਉਸਨੇ ਦੱਸਿਆ ਕਿ ਇਸ ਨੂੰ ਇਕ ਖਾਸ ਧਾਗੇ ਨਾਲ ਚੜ੍ਹਾਇਆ ਜਾਵੇਗਾ।ਦੂਜੇ ਪਾਸੇ ਰਾਜਾ ਦੇ ਦੋਸਤ ਸਾਹਿਲ ਨੇ ਦੱਸਿਆ ਕਿ ਬਟਾਲਾ ਦੀ ਲੋਹੜੀ ਬਹੁਤ ਮਸ਼ਹੂਰ ਹੈ ਕਿਉਂਕਿ ਇੱਥੇ ਲੋਕ ਆਪਣੇ ਰਿਸ਼ਤੇਦਾਰਾਂ ਦੇ ਘਰ ਲੋਹੜੀ ਦੇਖਣ ਆਉਂਦੇ ਹਨ, ਇਸੇ ਲਈ ਇਸ ਪਤੰਗ ਨੂੰ ਖਾਸ ਤੌਰ ‘ਤੇ ਤਿਆਰ ਕੀਤਾ ਗਿਆ ਹੈ।
