ਆਕਲੈਂਡ(ਬਲਜਿੰਦਰ ਸਿੰਘ) ਚੱਕਰਵਾਤੀ ਤੂਫਾਨ ਗੈਬਰੀਆਲ ਕਾਰਨ ਜਿੱਥੇ ਫਸਲਾਂ,ਘਰਾਂ ਆਦਿ ਵਿੱਚ ਵੱਡਾ ਨੁਕਸਾਨ ਵੇਖਣ ਨੂੰ ਮਿਲ ਰਿਹਾ ਹੈ ਉੱਥੇ ਹੀ ਡੇਅਰੀ ਫਾਰਮ ਕਿਸਾਨਾ ਦਾ ਕਹਿਣਾ ਹੈ ਕਿ ਚੱਕਰਵਾਤ ਗੈਬਰੀਅਲ ਦੇ ਕਾਰਨ ਬਿਜਲੀ ਕੱਟਾਂ ਕਾਰਨ ਕਿਸਾਨਾਂ ਨੂੰ ਆਪਣਾ ਦੁੱਧ ਡੰਪ ਕਰਨ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ।ਭੋਜਨ ਸੁਰੱਖਿਆ ਅਤੇ ਗੁਣਵੱਤਾ ਨਿਯਮਾਂ ਦੇ ਕਾਰਨ ਦੁੱਧ ਨੂੰ ਸਿਰਫ ਕੁਝ ਖਾਸ ਸਮੇਂ ਲਈ ਸਟੋਰ ਕੀਤਾ ਜਾ ਸਕਦਾ ਹੈ, ਅਤੇ ਜੇਕਰ ਇਹ ਬਹੁਤ ਗਰਮ ਹੋ ਜਾਵੇ ਤਾਂ ਇਸਨੂੰ ਇਕੱਠਾ ਨਹੀਂ ਕੀਤਾ ਜਾ ਸਕਦਾ।ਕਿੰਗ ਕੰਟਰੀ ਦੇ ਕੁਝ ਖੇਤਰਾਂ ਵਿੱਚ ਕਿਸਾਨ ਆਪਣਾ ਦੁੱਧ ਠੰਡਾ ਨਹੀਂ ਰੱਖ ਸਕਦੇ ਕਿਉਕਿ ਇੱਕ ਤਾ ਬਿਜਲੀ ਬੰਦ ਹੈ ਤੇ ਦੂਜਾ ਦੁੱਧ ਦੇ ਟੈਂਕਰ ਦੁੱਧ ਨਹੀਂ ਚੁੱਕ ਸਕਦੇ ਕਿਉਂਕਿ ਹੜ੍ਹਾਂ ਨਾਲ ਬਹੁਤ ਸੜਕਾਂ ਬੰਦ ਹਨ।
