ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ) ਉੱਤਰੀ ਕੈਂਟਰਬਰੀ ਵਿੱਚ ਕਲਵਰਡਨ ਅਤੇ ਹੈਨਮਰ ਸਪ੍ਰਿੰਗਜ਼ ਦੇ ਵਿਚਕਾਰ ਸਟੇਟ ਹਾਈਵੇ 7 ਉੱਤੇ ਦੋ ਵਾਹਨਾਂ ਦੀ ਟੱਕਰ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ।ਐਮਰਜੈਂਸੀ ਸੇਵਾਵਾਂ ਨੂੰ ਅੱਜ ਸਵੇਰੇ 8 ਵਜੇ ਦੇ ਕਰੀਬ ਹੁਰੁਨੁਈ ਜ਼ਿਲ੍ਹੇ ਵਿੱਚ ਮਾਊਸ ਪੁਆਇੰਟ ਰੋਡ (ਐਸਐਚ7) ਅਤੇ ਲੈਸਲੀ ਹਿੱਲਜ਼ ਰੋਡ ਦੇ ਇੰਟਰਸੈਕਸ਼ਨ ‘ਤੇ ਬੁਲਾਇਆ ਗਿਆ ਸੀ।ਇਸ ਹਾਦਸੇ ਵਿੱਚ ਇੱਕ ਵਿਅਕਤੀ ਦੀ ਮੌਤ ਅਤੇ ਦੋ ਹੋਰ ਜ਼ਖਮੀ ਹੋਏ ਹਨ।ਜ਼ਖਮੀ ਵਿਅਕਤੀਆਂ ਨੂੰ ਕ੍ਰਾਈਸਟਚਰਚ ਹਸਪਤਾਲ ਲਿਜਾਇਆ ਗਿਆ।
