ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ)ਆਕਲੈਂਡ ‘ਚ ਬੀਤੀ ਰਾਤ ਫਿਰ ਵਾਪਰੀਆਂ ਗੋਲੀ ਚੱਲਣ ਦੀਆਂ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ।ਦੱਸਿਆ ਜਾ ਰਿਹਾ ਹੈ ਕਿ ਮਾਊਂਟ ਵੈਲਿੰਗਟਨ ਦੇ ਟੋਮੁਰੀ ਪਲੇਸ ਵਿੱਚ ਇੱਕ ਘਰ ‘ਤੇ ਪੰਜ ਗੋਲੀਆਂ ਚਲਾਈਆਂ ਗਈਆਂ।ਗੋਲੀ ਚੱਲਣ ਦੀ ਘਟਨਾ ਸਮੇ ਘਰ ਅੰਦਰ ਪੰਜ ਵਿਅਕਤੀ ਸਨ ਪਰ ਚੰਗੀ ਗੱਲ ਰਹੀ ਕਿ ਕੋਈ ਵੀ ਜ਼ਖਮੀ ਨਹੀਂ ਹੋਇਆ।ਇਸ ਘਟਨਾ ਸਬੰਧੀ ਪੁਲਿਸ ਜਾਂਚ ਜਾਰੀ ਹੈ।ਅੱਜ ਸਵੇਰੇ ਵੀ ਘਟਨਾ ਵਾਲੀ ਥਾਂ ‘ਤੇ ਹਥਿਆਰਬੰਦ ਪੁਲਿਸ ਕਰਮੀ ਤਾਇਨਾਤ ਸਨ।ਇਸੇ ਤਰਾਂ ਇੱਕ ਹੋਰ ਘਟਨਾ ਵੀ ਵਾਪਰੀ ਦੱਸੀ ਜਾ ਰਹੀ ਹੈ ਜਿਸ ਵਿੱਚ 18 ਸਾਲਾ ਲੜਕੇ ਦੀ ਪਿੱਠ ਅਤੇ ਬਾਂਹ ‘ਤੇ ਗੋਲੀ ਲੱਗਣ ਕਾਰਨ ਮਿਡਲਮੋਰ ਹਸਪਤਾਲ ਵਿੱਚ ਦਾਖਲ ਕਰਵਾਇਆਂ ਗਿਆ ਸੀ।ਪਰ ਇਹ ਘਟਨਾ ਕਿੱਥੇ ਅਤੇ ਕਿਵੇ ਵਾਪਰੀ ਇਸ ਵਾਰੇ ਅਜੇ ਜਾਣਕਾਰੀ ਪ੍ਰਾਪਤ ਨਹੀ ਹੋਈ ਹੈ।ਪੁਲਿਸ ਦਾ ਕਹਿਣਾ ਹੈ ਕਿ ਦੋਵਾਂ ਘਟਨਾਵਾਂ ਦਾ ਆਪਸ ਵਿੱਚ ਕੋਈ ਸਬੰਧ ਨਹੀਂ ਹੈ।
