ਆਕਲੈਂਡ(ਬਲਜਿੰਦਰ ਸਿੰਘ) ਬੀਤੀ ਕੱਲ੍ਹ ਫਾਂਗਾਰਾਈ ‘ਚ ਹੜ੍ਹ ਦੇ ਪਾਣੀ ਵਿੱਚ ਵਹਿ ਜਾਣ ਤੋਂ ਬਾਅਦ ਲਾਪਤਾ ਹੋਏ ਵਿਦਿਆਰਥੀ ਦੀ ਲਾਸ਼ ਨੂੰ ਅੱਜ ਸਵੇਰੇ ਬਰਾਮਦ ਕਰ ਲਿਆ ਗਿਆ ਹੈ।ਫਾਂਗਾਰਾਈ ਬੁਆਏਜ਼ ਹਾਈ ਸਕੂਲ ਦਾ ਵਿਦਿਆਰਥੀ ਉਸ ਸਮੇਂ ਲਾਪਤਾ ਹੋ ਗਿਆ ਜਦੋਂ ਉਹ ਸਕੂਲ ਦੇ 14 ਜਮਾਤੀ ਦੋ ਅਧਿਆਪਕਾਂ ਦੇ ਨਾਲ ਕੱਲ੍ਹ ਐਬੇ ਕੇਵਜ਼ ਵਿਖੇ ਇੱਕ ਬਾਹਰੀ ਸਿੱਖਿਆ ਯਾਤਰਾ ਦੌਰਾਨ ਮੁਸ਼ਕਲ ਵਿੱਚ ਫਸ ਗਏ।ਬੀਤੀ ਕੱਲ੍ਹ ਹੋਈ ਗੰਭੀਰ ਬਾਰਸ਼ ਨਾਲ ਆਏ ਹੜ੍ਹਾਂ ਕਾਰਨ ਇਹ ਘਟਨਾ ਕਰੀਬ 10:30 ਵਾਪਰੀ ਮੌਕੇ ਤੇ ਪਹੁੰਚੀਆਂ ਐਮਰਜੈਂਸੀ ਸੇਵਾਵਾਂ ਵੱਲੋਂ ਲਾਪਤਾ ਵਿਦਿਆਰਥੀ ਦੀ ਭਾਲ ਸੁਰੂ ਕੀਤੀ ਗਈ ਜੋ ਪਰ ਕੱਲ੍ਹ ਸ਼ਾਮ ਤੱਕ ਉਸ ਨੂੰ ਲੱਭਣ ਵਿੱਚ ਨਾ ਕਾਮਯਾਬ ਰਹੇ।ਅੱਜ ਸਵੇਰੇ ਅਧਿਕਾਰੀਆਂ ਵੱਲੋਂ ਪੁਸ਼ਟੀ ਕੀਤੀ ਗਈ ਹੈ ਕਿ ਲਾਪਤਾ ਵਿਦਿਆਰਥੀ ਦੀ ਲਾਸ਼ ਬਰਾਮਦ ਹੋਈ ਹੈ।
