ਆਕਲੈਂਡ(ਬਲਜਿੰਦਰ ਰੰਧਾਵਾ) ਦੱਖਣੀ ਆਕਲੈਂਡ ‘ਚ ਬੀਤੀ ਰਾਤ ਕਾਰ ਚਲਾ ਰਹੇ ਸ਼ਰਾਬੀ ਡਰਾਇਵਰ ਦੀ ਕਾਰ ਕਈ ਵਾਹਨਾਂ ਨੂੰ ਟੱਕਰ ਮਾਰਦੀ ਹੋਈ ਇੱਕ ਘਰ ਦੇ ਬੈੱਡਰੂਮ ਨਾਲ ਜਾ ਟਕਰਾਈ ਜਿਸ ਵਿੱਚ ਬੱਚੇ ਰਾਤ ਸਮੇ ਸੋ ਰਹੇ ਸਨ।ਪੁਲਿਸ ਦੇ ਬੁਲਾਰੇ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਰਾਤ 10 ਵਜੇ ਦੇ ਕਰੀਬ ਸੂਚਨਾ ਮਿਲੀ ਕਿ ਹਿੱਲਪਾਰਕ ਦੇ ਪੈਂਟੇਰਾ ਵੇਅ ‘ਤੇ ਇੱਕ ਵਾਹਨ ਤਿੰਨ ਕਾਰਾਂ ਨੂੰ ਟੱਕਰ ਮਾਰਨ ਤੋ ਬਾਅਦ ਇੱਕ ਘਰ ਨਾਲ ਟਕਰਾ ਗਿਆ।ਕਾਉਂਟੀਜ਼ ਮਾਨੁਕਾਊ ਸੈਂਟਰਲ ਏਰੀਆ ਪ੍ਰੀਵੈਂਸ਼ਨ ਮੈਨੇਜਰ ਇੰਸਪੈਕਟਰ ਮਾਰਕ ਚਾਈਵਰਸ ਨੇ ਕਿਹਾ ਕਿ ਇਹ ਬਹੁਤ ਖੁਸ਼ਕਿਸਮਤ ਹੈ ਕਿ ਕੋਈ ਸੱਟ ਨਹੀਂ ਲੱਗੀ ਹਾਲਾਂਕਿ, ਜਾਇਦਾਦ ਅਤੇ ਹੋਰ ਵਾਹਨਾਂ ਨੂੰ ਭਾਰੀ ਨੁਕਸਾਨ ਹੋਇਆ ਹੈ।ਇੱਕ 36 ਸਾਲਾ ਵਿਅਕਤੀ ਅੱਜ ਮਾਨੁਕਾਊ ਜ਼ਿਲ੍ਹਾ ਅਦਾਲਤ ਵਿੱਚ ਪੇਸ਼ ਹੋਵੇਗਾ ਜਿਸ ਵਿੱਚ ਜ਼ਿਆਦਾ ਸਾਹ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦਾ ਦੋਸ਼ ਲਾਇਆ ਗਿਆ ਹੈ।
