ਟੇਸਲਾ ਦੇ ਸ਼ੇਅਰ ਕਰੈਸ਼ ਹੋਣ ਕਾਰਨ ਐਲੋਨ ਮਸਕ ਦੀ ਕੁੱਲ ਸੰਪਤੀ 15 ਬਿਲੀਅਨ ਡਾਲਰ ਘਟੀ…

 ਐਲੋਨ ਮਸਕ ਜੋ  ਟੇਸਲਾ ਦੇ 13 ਪ੍ਰਤੀਸ਼ਤ ਸ਼ੇਅਰਾਂ ਦੇ ਮਾਲਕ ਹਨ।ਟੇਸਲਾ ਦੇ ਸ਼ੇਅਰ ਹੁਣ 238 ਡਾਲਰ ਤੋਂ 217 ਡਾਲਰ ਤੱਕ ਡਿੱਗ ਗਏ ਹਨ।ਟੇਸਲਾ ਦੇ ਰੋਬੋਟੈਕਸਿਸ ਪ੍ਰੋਗਰਾਮ ਵਿੱਚ ਸੈਲਫ-ਡ੍ਰਾਈਵਿੰਗ ਟੈਕਸੀਆਂ ਨੂੰ ਪੇਸ਼ ਕੀਤਾ ਗਿਆ ਸੀ। ਹਾਲਾਂਕਿ, ਇਸ ਟੈਕਸੀ ਬਾਰੇ ਕੋਈ ਖਾਸ ਜਾਣਕਾਰੀ ਨਹੀਂ ਦਿੱਤੀ ਗਈ ਸੀ, ਨਿਵੇਸ਼ਕ ਅਤੇ ਵਾਲ ਸਟਰੀਟ ਦੇ ਵਿਸ਼ਲੇਸ਼ਕ ਇਸ ਤੋਂ ਖਾਸ ਪ੍ਰਭਾਵਿਤ ਨਹੀਂ ਹੋਏ ਅਤੇ ਕੰਪਨੀ ਦੇ ਸ਼ੇਅਰ ਵੱਡੇ ਪੱਧਰ ‘ਤੇ ਡਿੱਗ ਗਏ।ਟੇਸਲਾ ਦੇ ਸ਼ੇਅਰਾਂ ‘ਚ ਗਿਰਾਵਟ ਕਾਰਨ ਐਲੋਨ ਮਸਕ ਦੀ ਜਾਇਦਾਦ ‘ਚ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ। ਮਸਕ ਕੋਲ ਟੇਸਲਾ ਦੇ 13 ਪ੍ਰਤੀਸ਼ਤ ਸ਼ੇਅਰ ਹਨ। ਸ਼ੁੱਕਰਵਾਰ ਨੂੰ, ਟੇਸਲਾ ਦੇ ਸ਼ੇਅਰ 238.77 ਡਾਲਰ ਤੋਂ 217.80 ਡਾਲਰ ਤੱਕ 9 ਪ੍ਰਤੀਸ਼ਤ ਡਿੱਗ ਗਏ ਹਨ।ਬਲੂਮਬਰਗ ਬਿਲੀਨੇਅਰਸ ਇੰਡੈਕਸ ਦੇ ਅਨੁਸਾਰ, ਸ਼ੁੱਕਰਵਾਰ ਨੂੰ ਅਮਰੀਕੀ ਸਟਾਕ ਬਾਜ਼ਾਰਾਂ ਦੇ ਬੰਦ ਹੋਣ ਤੋਂ ਬਾਅਦ ਮਸਕ ਦੀ ਕੁੱਲ ਜਾਇਦਾਦ  15 ਬਿਲੀਅਨ ਘਟ ਗਈ ਹੈ। 240 ਬਿਲੀਅਨ ਡਾਲਰ ਦੀ ਕੁੱਲ ਜਾਇਦਾਦ ਦੇ ਨਾਲ, ਮਸਕ ਦੁਨੀਆ ਦਾ ਸਭ ਤੋਂ ਅਮੀਰ ਵਿਅਕਤੀ ਹੈ।ਜ਼ਿਕਰਯੋਗ ਹੈ ਕਿ ਟੇਸਲਾ ਦੇ ਸ਼ੇਅਰ ਜੁਲਾਈ ‘ਚ ਸਭ ਤੋਂ ਉੱਚੇ ਪੱਧਰ ‘ਤੇ ਪਹੁੰਚ ਗਏ ਸਨ। ਇਸ ਤੋਂ ਬਾਅਦ ਅਗਸਤ ਦੀ ਸ਼ੁਰੂਆਤ ਤੋਂ ਹੀ ਕੰਪਨੀ ਦੇ ਸ਼ੇਅਰਾਂ ‘ਚ ਗਿਰਾਵਟ ਆਉਣੀ ਸ਼ੁਰੂ ਹੋ ਗਈ। ਹਾਲਾਂਕਿ, ਸਤੰਬਰ ਵਿੱਚ, ਟੇਸਲਾ ਦੇ ਸਟਾਕ ਦੀਆਂ ਕੀਮਤਾਂ ਫਿਰ ਤੋਂ ਵਧਣੀਆਂ ਸ਼ੁਰੂ ਹੋ ਗਈਆਂ, ਜਿਸ ਕਾਰਨ ਮਸਕ ਦੀ ਜਾਇਦਾਦ ਮੈਕਡੋਨਲਡ ਅਤੇ ਪੈਪਸੀ ਨਾਲੋਂ ਵੱਧ ਗਈ। ਸੂਤਰਾਂ ਮੁਤਾਬਕ, ਨਿਵੇਸ਼ਕਾਂ ਨੂੰ ਨਿਰਾਸ਼ਾ ਹੋਈ ਕਿ ਟੇਸਲਾ ਦੇ ਰੋਬੋਟੈਕਸਿਸ ਪ੍ਰੋਗਰਾਮ ਨੇ ਟੈਕਸੀਆਂ ਬਾਰੇ ਹੋਰ ਜਾਣਕਾਰੀ ਨਹੀਂ ਦਿੱਤੀ। ਵਿਸ਼ਲੇਸ਼ਕਾਂ ਨੇ ਟੈਕਸੀ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਨਾ ਦੇਣ ਦੇ ਕੰਪਨੀ ਦੇ ਫੈਸਲੇ ਦੀ ਵੀ ਆਲੋਚਨਾ ਕੀਤੀ।ਟੈਕਸੀ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦੀ ਘਾਟ ਕਾਰਨ ਕੰਪਨੀ ਦੇ ਭਵਿੱਖ ਦੇ ਉਤਪਾਦਾਂ ਅਤੇ ਇਸ ਦੇ ਲਾਂਚ ਦੇ ਨਿਰਧਾਰਤ ਸਮੇਂ ਨੂੰ ਲੈ ਕੇ ਸ਼ੰਕੇ ਖੜ੍ਹੇ ਕਰ ਰਹੇ ਹਨ। ਜਿਸ ਕਾਰਨ ਲੋਕਾਂ ਨੇ ਕੰਪਨੀ ਦੇ ਸ਼ੇਅਰ ਵੇਚ ਦਿੱਤੇ ਅਤੇ ਸ਼ੇਅਰ ਦੀ ਕੀਮਤ ਡਿੱਗ ਗਈ ਹੈ।