ਆਕਲੈਂਡ (ਬਲਜਿੰਦਰ ਸਿੰਘ)ਪ੍ਰਸਿੱਧ ਪੰਜਾਬੀ ਅਤੇ ਬਾਲੀਵੁੱਡ ਗਾਇਕਾ ਜੋਤੀਕਾ ਟਾਂਗਰੀ ਦਾ ਗਾਇਆ ਅਤੇ ਰਾਂਝਾ ਰਾਜਨ ਦਾ ਲਿਖਿਆ ਅਤੇ ਨਿਰਦੇਸ਼ ਕੀਤਾ ਨਵਾਂ ਗੀਤ ਬਾਬੁਲ ਜੋ ਕੀ 6 ਦਸੰਬਰ ਨੂੰ ਰਿਲੀਜ਼ ਕੀਤਾ ਜਾ ਰਿਹਾ ਹੈ ਦਾ ਰੰਗਦਾਰ ਪੋਸਟਰ ਬੀਤੀ ਰਾਤ ਤੜਕਾਂ ਰੈਸਟੋਰੈਂਟ ਬੌਟਨੀ ਵਿਖੇ ਜਾਰੀ ਕੀਤਾ ਗਿਆ।ਜ਼ਿਕਰਯੋਗ ਹੈ ਕਿ ਧੀ ਅਤੇ ਬਾਪ ਦੇ ਪਿਆਰ ਅਤੇ ਵਿਆਹ ਸਮੇਂ ਬਾਬਲ ਦੇ ਘਰ ਨੂੰ ਛੱਡਣ ਦੇ ਦਰਦ ਨੂੰ ਬਿਆਨ ਕਰਦਾ ਇਹ ਗੀਤ ਨਿਊਜ਼ੀਲੈਂਡ ਵਿੱਚ ਸ਼ੂਟ ਕੀਤਾ ਗਿਆ ਹੈ।ਇਸ ਗੀਤ ਵਿੱਚ ਜੋਤੀਕਾ ਤੋ ਇਲਾਵਾ ਕੁਲਵੰਤ ਖੈਰਾਬਾਦੀ,ਜਸਵਿੰਦਰ ਕੌਰ,ਬਲਜਿੰਦਰ ਰੰਧਾਵਾ,ਰਾਣਾ ਹੈਰੀ,ਰਾਜਨ ਅਤੇ ਛੋਟੀ ਬੱਚੀ ਅਨਾਹਤ ਰਾਣਾ ਵੱਲੋਂ ਸ਼ਾਨਦਾਰ ਭੂਮਿਕਾਂ ਨਿਭਾਈ ਗਈ ਹੈ।ਅੱਜ ਦੇ ਪੋਸਟਰ ਰਿਲੀਜ਼ ਸਮਾਗਮ ਵਿੱਚ ਡੇਲੀ ਖ਼ਬਰ ਤੋਂ ਸ਼ਰਨਦੀਪ ਸਿੰਘ,ਬਸਰਾਂ ਪ੍ਰੋਡਕਸ਼ਨ ਤੋਂ ਵਿੱਕੀ ਬਸਰਾ.ਬਹਾਦਰ ਬਸਰਾ,ਇੰਦਰ ਜੜੀਆਂ,ਹਰਮਨ ਮਲਿਕ,ਦਸਤਾਰ ਕੋਚ ਗੁਰਜੀਤ ਸਿੰਘ,ਐਨ.ਜੈਂਡ ਐਮੀ,ਸਮੀਰ ਮਦਾਨ,ਗੁਰਿੰਦਰ ਆਸੀ,ਗੁਰਪ੍ਰੀਤ ਸੈਣੀ ਆਦਿ ਹਾਜ਼ਰ ਸਨ।
