ਦੋ ਸਾਲ ਪਹਿਲਾ ਪਿੰਡ ਮਜਾਰਾ ਤੋਂ ਕੈਨੇਡਾ ਪੜ੍ਹਾਈ ਅਤੇ ਰੋਜ਼ਗਾਰ ਦੀ ਭਾਲ ਵਿਚ ਸਟੱਡੀ ਵੀਜ਼ੇ ਤੇ ਗਏ ਨੌਜਵਾਨ ਹਰਸਪ੍ਰੀਤ ਸਿੰਘ 29 ਸਾਲ ਪੁੱਤਰ ਲੈਕ. ਸੁਰਿਦੰਰ ਸਿੰਘ ਦੀ ਸੜਕ ਹਾਦਸੇ ਵਿਚ ਮੌਤ ਹੋਣ ਨਾਲ ਪਰਿਵਾਰ ਤੇ ਦੁੱਖਾਂ ਦਾ ਪਹਾੜ ਟੁੱਟ ਗਿਆ ਹੈ।ਉਸ ਦੀ ਮੌਤ ਦੀ ਖ਼ਬਰ ਸੁਣਦਿਆਂ ਮਾਪਿਆਂ, ਰਿਸ਼ਤੇਦਾਰਾਂ ਅਤੇ ਪਿੰਡ ਵਿਚ ਸ਼ੋਕ ਦੀ ਲਹਿਰ ਹੈ। ਕੈਨੇਡਾ ਤੋਂ ਪਿੰਡ ਮਜਾਰਾ ਵਿਖੇ ਹਰਸਪ੍ਰੀਤ ਸਿੰਘ ਦੀ ਮ੍ਰਿਤਕ ਦੇਹ ਲਿਆਂਦੀ ਗਈ। ਜਿਸ ਨੂੰ ਵੇਖ ਕੇ ਪਰਿਵਾਰਿਕ ਮੈਂਬਰਾਂ ਦਾ ਰੋ ਰੋਕੇ ਬੁਰਾ ਹਾਲ ਸੀ। ਨਮ ਅੱਖਾਂ ਨਾਲ ਹਰਸਪ੍ਰੀਤ ਸਿੰਘ ਦੀ ਅੰਤਿਮ ਯਾਤਰਾ ਸ਼ਮਸ਼ਾਨ ਘਾਟ ਵਿਖੇ ਪਹੁੰਚਾਈ ਗਈ ਜਿਥੇ ਮ੍ਰਿਤਕ ਦੇਹ ਨੂੰ ਉਸ ਦੇ ਭਰਾ ਜਸਹਰਪ੍ਰੀਤ ਸਿੰਘ ਅਤੇ ਤਾਏ ਦੇ ਲੜਕੇ ਕਰਨਵੀਰ ਸਿੰਘ ਨੇ ਅਗਨੀ ਵਿਖਾਈ।
Add Comment