ਬੀਤੀ ਦੇਰ ਰਾਤ ਉੱਤਰਾਖ਼ੰਡ ਦੇ ਦੇਹਰਾਦੂਨ ਵਿਖੇ ਸਹਸਤਧਾਰਾ ਵਿਚ ਬੱਦਲ ਫਟਣ ਦੀ ਘਟਨਾ ਵਾਪਰੀ। ਭਾਰੀ ਬਾਰਿਸ਼ ਕਾਰਨ ਤਮਸਾ ਨਦੀ ਵਿਚ ਆਏ ਹੜ੍ਹ ਵਿਚ 2 ਲੋਕ ਲਾਪਤਾ ਹੋ ਗਏ, ਜਦੋਂ ਕਿ ਕਈ ਵਾਹਨ ਵਹਿ ਗਏ ਤੇ ਕਈ ਦੁਕਾਨਾਂ ਨੂੰ ਨੁਕਸਾਨ ਪਹੁੰਚਿਆ।ਜਾਣਕਾਰੀ ਅਨੁਸਾਰ ਇਹ ਘਟਨਾ ਰਾਤ 11:30 ਵਜੇ ਦੇ ਕਰੀਬ ਵਾਪਰੀ। ਬੱਦਲ ਫਟਣ ਤੋਂ ਬਾਅਦ ਮੁੱਖ ਬਾਜ਼ਾਰ ਵਿਚ ਬਹੁਤ ਸਾਰਾ ਮਲਬਾ ਡਿੱਗ ਗਿਆ। ਇਸ ਕਾਰਨ ਦੋ ਤੋਂ ਤਿੰਨ ਵੱਡੇ ਹੋਟਲਾਂ ਨੂੰ ਨੁਕਸਾਨ ਪਹੁੰਚਿਆ ਜਦੋਂ ਕਿ ਇਕ ਬਾਜ਼ਾਰ ਵਿਚ ਬਣੀਆਂ ਲਗਭਗ 7 ਤੋਂ 8 ਦੁਕਾਨਾਂ ਢਹਿ ਗਈਆਂ।
