ਹਾਕਸ ਬੇਅ ‘ਚ ਸਕੂਲ ਵੱਲੋਂ ਇੱਕ ਟੂਰ ਤੇ ਗਿਆ ਬੱਚਾ ਹੋਇਆ ਲਾਪਤਾ,ਭਾਲ ਲਗਾਤਾਰ ਜਾਰੀ

ਆਕਲੈਂਡ(ਰੰਧਾਵਾ) ਹਾਕਸ ਬੇ (Hawke’s Bay) ਦੇ ਇੱਕ ਸਕੂਲੀ ਵਿਦਿਆਰਥੀ ਦੀ ਭਾਲ ਲਈ ਵੱਡੇ ਪੱਧਰ ‘ਤੇ ਖੋਜ ਮੁਹਿੰਮ ਚਲਾਈ ਜਾ ਰਹੀ ਹੈ, ਜੋ ਸਕੂਲ ਦੀ ਇੱਕ ਹਾਈਕ (ਪੈਦਲ ਯਾਤਰਾ) ਦੌਰਾਨ ਰਾਤ ਨੂੰ ਲਾਪਤਾ ਹੋ ਗਿਆ ਸੀ।ਨੇਪੀਅਰ ਦੇ ਟਾਰਾਡੇਲ ਹਾਈ ਸਕੂਲ (Taradale High School) ਨੇ ਬੁੱਧਵਾਰ ਸਵੇਰੇ ਈਮੇਲ ਰਾਹੀਂ ਮਾਪਿਆਂ ਨੂੰ ਲਾਪਤਾ ਵਿਦਿਆਰਥੀ ਬਾਰੇ ਸੂਚਿਤ ਕੀਤਾ।ਕੱਲ੍ਹ [ਮੰਗਲਵਾਰ] ਬਾਅਦ ਦੁਪਹਿਰ, ਰਾਤ ​​ਭਰ ਚੱਲਣ ਵਾਲੀ ਬਾਹਰੀ ਸਿੱਖਿਆ ਯਾਤਰਾ (outdoor education trip) ਵਿੱਚ ਹਿੱਸਾ ਲੈ ਰਿਹਾ ਇੱਕ ਵਿਦਿਆਰਥੀ ਹਾਈਕ ਦੌਰਾਨ ਆਪਣੇ ਸਮੂਹ ਤੋਂ ਵਿਛੜ ਗਿਆ।ਪੁਲਿਸ ਅਤੇ ‘ਲੈਂਡ ਸਰਚ ਐਂਡ ਰੈਸਕਿਊ’ (Land Search and Rescue) ਟੀਮ ਨੂੰ ਸੂਚਿਤ ਕੀਤਾ ਗਿਆ ਅਤੇ ਕੱਲ੍ਹ ਸ਼ਾਮ ਨੂੰ ਖੋਜ ਮੁਹਿੰਮ ਸ਼ੁਰੂ ਕੀਤੀ ਗਈ।ਯਾਤਰਾ ਵਿੱਚ ਸ਼ਾਮਲ ਵਿਦਿਆਰਥੀ ਸਕੂਲ ਵਾਪਸ ਆ ਰਹੇ ਹਨ।