ਆਕਲੈਂਡ(ਬਲਜਿੰਦਰ ਸਿੰਘ)ਸਿਲਵੀਆ ਪਾਰਕ ਸਟੇਸ਼ਨ ‘ਤੇ ਟ੍ਰੇਨ ਮੈਨੇਜਰ ਤੇ ਚਾਕੂ ਨਾਲ ਹਮਲੇ ਕਰਨ ਦੀ ਘਟਨਾਂ ਸਾਹਮਣੇ ਆਈ ਹੈ। ਆਕਲੈਂਡ ਟਰਾਂਸਪੋਰਟ (ਏ.ਟੀ.) ਦਾ ਕਹਿਣਾ ਹੈ ਕਿ ਅੱਜ ਦੁਪਹਿਰ ਸਿਲਵੀਆ ਪਾਰਕ ਰੇਲਵੇ ਸਟੇਸ਼ਨ ‘ਤੇ ਉਸਦੇ ਇੱਕ ਸਟਾਫ ‘ਤੇ ਹੋਏ ਹਮਲੇ ਤੋਂ ਬਾਅਦ ਉਹ ਪੁਲਿਸ ਨਾਲ ਮਿਲ ਕੇ ਜਾਂਚ ਕਰ ਰਹੇ ਹਨ । ਏਟੀ ਦੇ ਇੱਕ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਪੂਰਬੀ ਲਾਈਨ ਸੇਵਾ ‘ਤੇ ਰੇਲ ਮੈਨੇਜਰ ‘ਤੇ ਪਲੇਟਫਾਰਮ ‘ਤੇ ਦੁਪਹਿਰ 3.35 ਵਜੇ ਦੇ ਕਰੀਬ ਹਮਲਾ ਕੀਤਾ ਗਿਆ, ਜਿਸ ਵਿੱਚ ਮਾਮੂਲੀ ਜ਼ਖ਼ਮੀ ਹੋਏ ਹਨ। ਇਸ ਘਟਨਾ ਦੇ ਸਬੰਧ ਵਿੱਚ ਚਾਰ ਨੌਜਵਾਨਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਅਤੇ ਪੁਲਿਸ ਵੱਲੋਂ ਉਨ੍ਹਾਂ ਨਾਲ ਗੱਲਬਾਤ ਕੀਤੀ ਜਾ ਰਹੀ ਹੈ। ਪੂਰਬੀ ਲਾਈਨ ਸੇਵਾਵਾਂ ਵਿੱਚ ਥੋੜਾ ਵਿਘਨ ਪਿਆ ਹੈ। ਏਟੀ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਹਮਲੇ ਤੋਂ ਤੁਰੰਤ ਬਾਅਦ ਟ੍ਰੇਨ ਮੈਨੇਜਰ ਨੂੰ ਇਲਾਜ ਲਈ ਰੇਲ ਰਾਹੀਂ ਮਿਡਲਮੋਰ ਹਸਪਤਾਲ ਲਿਜਾਇਆ ਗਿਆ।
