ਆਕਲੈਂਡ (ਬਲਜਿੰਦਰ ਸਿੰਘ) ਆਕਲੈਂਡ ਰਾਸ਼ਟਰੀ ਹਵਾਈ ਅੱਡੇ ’ਤੇ ਅੱਜ ਦਰਜਨ ਤੋਂ ਵੱਧ ਘਰੇਲੂ ਉਡਾਣਾਂ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਆਕਲੈਂਡ ਏਅਰਪੋਰਟ ਦੇ ਫਲਾਈਟ ਬੋਰਡ ਨੇ 18 ਇਨਬਾਉਂਡ ਅਤੇ ਛੇ ਡਿਪਾਰਚਰ ਫਲਾਈਟਾਂ ਨੂੰ ਅੱਜ ਰੱਦ ਕਰ ਦਿੱਤਾ ਹੈ।ਫ਼ਿਲਹਾਲ ਉਡਾਣਾ ਰੱਦ ਹੋਣ ਦਾ ਕਾਰਨ ਮੌਸਮ ਨੂੰ ਮੰਨਿਆ ਜਾ ਸਕਦਾ ਹੈ। ਇਹ ਉਡਾਣਾ ਵੈਲਿੰਗਟਨ, ਕ੍ਰਾਈਸਚਰਚ, ਕੁਈਨਜ਼ਟਾਊਨ ਤੇ ਡੁਨੇਡਿਨ ਨਾਲ ਸਬੰਧਤ ਸਨ।ਯਾਤਰੀਆਂ ਦੀ ਪ੍ਰੇਸ਼ਾਨੀ ਘਟਾਉਣ ਲਈ ਏਅਰ ਨਿਊਜੀਲੈਂਡ ਵਲੋਂ ਤਾਂ ਯਾਤਰੀਆਂ ਨੂੰ ਉਡਾਣਾ ਰੱਦ ਕੀਤੇ ਜਾਣ ‘ਤੇ ਕ੍ਰੈਡਿਟ ਦਿੱਤੇ ਜਾਣ ਦੀ ਪੇਸ਼ਕਸ਼ ਵੀ ਕੀਤੀ ਜਾ ਰਹੀ ਹੈ।
