ਆਕਲੈਂਡ(ਬਲਜਿੰਦਰ ਰੰਧਾਵਾ)ਨੌਰਥਸ਼ੋਰ ਵਿੱਚ ਹੋਈ ਵਿਅਕਤੀ ਦੀ ਹੱਤਿਆ ਤੋਂ ਬਾਅਦ ਦੋ ਵਿਅਕਤੀਆਂ ‘ਤੇ ਕਤਲ ਦਾ ਦੋਸ਼ ਲਗਾਇਆ ਗਿਆ ਹੈ।16 ਅਗਸਤ ਦੀ ਰਾਤ 10 ਵਜੇ ਪੁਲਿਸ ਪੁਲਿਸ ਨੂੰ ਓਸ਼ਨ ਵਿਊ ਰੋਡ ਹਿਲਕ੍ਰੈਸਟ ਦੇ ਇੱਕ ਘਰ ਵਿੱਚ “ਝਗੜੇ” ਦੀਆਂ ਰਿਪੋਰਟਾਂ ਲਈ ਬੁਲਾਇਆ ਗਿਆ ਸੀ ਜਿੱਥੇ ਕੇਵਿਨ ਪੈਟ੍ਰਿਕ ਹੇ ਨਾਮ ਦੇ 50 ਸਾਲ ਦੀ ਵਿਅਕਤੀ ਦੀ ਮੌਤ ਹੋ ਗਈ ਸੀ ਡਿਟੈਕਟਿਵ ਇੰਸਪੈਕਟਰ ਕੇਵਿਨ ਮੈਕਨੌਟਨ ਨੇ ਕਿਹਾ ਕਿ ਐਮਰਜੈਂਸੀ ਸੇਵਾਵਾਂ ਨੇ ਗੰਭੀਰ ਤੌਰ ‘ਤੇ ਜ਼ਖਮੀ ਹੇਅ ਨੂੰ ਡਾਕਟਰੀ ਸਹਾਇਤਾ ਪ੍ਰਦਾਨ ਕੀਤੀ, ਹਾਲਾਂਕਿ, ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਕਤਲ ਦੀ ਜਾਂਚ ਤੋਂ ਬਾਅਦ, ਪੁਲਿਸ ਨੇ ਅੱਜ ਇੱਕ 55 ਅਤੇ ਇੱਕ 66 ਸਾਲਾ ਵਿਅਕਤੀ ਨੂੰ ਉਸਦੀ ਹੱਤਿਆ ਦੇ ਦੋਸ਼ ਵਿੱਚ ਚਾਰਜ ਕੀਤਾ ਹੈ, ਉਹਨਾਂ ਨੂੰ ਅੱਜ ਦੁਪਹਿਰ ਨੌਰਥਸ਼ੋਰ ਜ਼ਿਲ੍ਹਾ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਣਾ ਹੈ।
