ਕੈਲਗਰੀ, ਅਲਬਰਟਾ(ਕੁਲਤਰਨ ਸਿੰਘ ਪਧਿਆਣਾ)ਕੈਨੇਡੀਅਨ ਬਾਰਡਰ ਸਰਵਿਸ ਏਜੰਸੀ ਅਤੇ ਇਨਫੋਰਸਮੈਂਟ ਅਧਿਕਾਰੀਆ ਵੱਲੋ 21 ਨਵੰਬਰ ਨੂੰ ਕੌਟਸ ਬਾਰਡਰ ਕਰਾਸਿੰਗ ‘ਤੇ ਇੱਕ ਵਪਾਰਕ ਟਰਾਂਸਪੋਰਟ ਵਹੀਕਲ ਦੀ ਸੈਕੰਡਰੀ ਜਾਂਚ ਤੋਂ ਬਾਅਦ 53 ਕਿਲੋਗ੍ਰਾਮ ਕੋਕੀਨ ਬਰਾਮਦ ਅਤੇ ਜ਼ਬਤ ਕੀਤੀ ਗਈ ਹੈ। ਬਾਰਡਰ ਇਨਫੋਰਸਮੈਂਟ ਟੀਮ ਨੇ ਇਸ ਮਾਮਲੇ ਚ ਕੈਲਗਰੀ ਦੇ 25 ਸਾਲਾਂ ਜਗਰੂਪ ਸਿੰਘ ‘ਤੇ ਅਮਰੀਕਾ ਤੋਂ ਕੈਨੇਡਾ ਵਿੱਚ ਕੋਕੀਨ ਦੀ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ,ਇਸ ਬਰਾਮਦਗੀ ਦਾ ਬਾਜਾਰ ਮੁੱਲ ਪੁਲਿਸ ਮੁਤਾਬਕ 5.3 ਮਿਲੀਅਨ ਡਾਲਰ ਹੈ। ਦੱਸਣਯੋਗ ਹੈ ਕਿ ਹਾਲੇ ਕੁੱਝ ਸਮਾਂ ਪਹਿਲਾ ਹੀ ਕੈਲਗਰੀ ਨਾਲ ਸਬੰਧਤ ਗੁਰਕੀਰਤ ਸਿੰਘ ਤੇ ਵੀ ਇਹੋ ਜਿਹੇ ਹੀ ਦੋਪਹੀਆ ਲਗਾਏ ਗਏ ਸਨ।
