ਆਕਲੈਂਡ(ਬਲਜਿੰਦਰ ਰੰਧਾਵਾ) ਮਾਰਲਬਰੋ ਵਿੱਚ ਅੱਜ ਸਵੇਰੇ ਹੋਏ ਇੱਕ ਟਰੱਕ ਹਾਦਸੇ ਤੋਂ ਬਾਅਦ ਸਟੇਟ ਹਾਈਵੇਅ 1 ਨੂੰ ਬੰਦ ਕੀਤਾ ਗਿਆ ਹੈ।ਪੁਲਿਸ ਨੇ ਦੱਸਿਆ ਕਿ ਹਾਦਸੇ ਦੀ ਸੂਚਨਾ ਸਵੇਰੇ 7 ਵਜੇ ਦੇ ਕਰੀਬ ਮਿਲੀ ਸੀ ਅਤੇ ਇਸ ਹਾਦਸੇ ਵਿੱਚ ਇੱਕ ਵਿਅਕਤੀ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ।ਦੱਸਿਆ ਜਾ ਰਿਹਾ ਹੈ ਕਿ ਮਿੱਟੀ ਲੈ ਕੇ ਜਾ ਰਿਹਾ ਇੱਕ ਟਰੱਕ ਅਤੇ ਟ੍ਰੇਲਰ ਹਾਦਸੇ ਦਾ ਸ਼ਿਕਾਰ ਹੋਇਆ ਹੈ।
ਵਾਕਾ ਕੋਟਾਹੀ ਨੇ ਇੱਕ ਬਿਆਨ ਵਿੱਚ ਕਿਹਾ, “ਕ੍ਰੈਸ਼ ਸੀਨ ਅਤੇ ਡਿੱਗੀ ਹੋਈ ਮਿੱਟੀ ਨੂੰ ਸਾਫ਼ ਕਰਨ ਵਿੱਚ ਕਈ ਘੰਟੇ ਲੱਗਣ ਦੀ ਉਮੀਦ ਹੈ।” ਕੈਂਟਰਬਰੀ ਅਤੇ ਮਾਰਲਬਰੋ ਦੇ ਵਿਚਕਾਰ ਸਫ਼ਰ ਕਰਨ ਵਾਲੇ ਡਰਾਈਵਰਾਂ ਨੂੰ ਲੁਈਸ ਪਾਸ ਰਾਹੀਂ ਅੰਦਰੂਨੀ ਰਸਤਾ ਲੈਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।
