ਆਕਲੈਂਡ (ਬਲਜਿੰਦਰ ਸਿੰਘ ਰੰਧਾਵਾ)ਬੀਤੀ ਰਾਤ ਆਕਲੈਂਡ ਦੇ ਇੱਕ ਘਰ ‘ਤੇ ਗੋਲੀਬਾਰੀ ਹੋਣ ਦੀ ਘਟਨਾ ਸਾਹਮਣੇ ਆ ਰਹੀ ਹੈ।ਪੁਲਿਸ ਨੇ ਦੱਸਿਆ ਕਿ ਰਾਤ ਕਰੀਬ 1.10 ਵਜੇ Pt England ਦੇ ਹਾਲੈਂਡ ਐਵੇਨਿਊ ‘ਤੇ ਇੱਕ ਘਰ ਵਿੱਚ ਗੋਲੀਆਂ ਚਲਾਈਆਂ ਗਈਆਂ।ਦੱਸਿਆ ਜਾ ਰਿਹਾ ਹੈ ਘਰ ਦੇ ਜਿਸ ਕਮਰੇ ‘ਤੇ ਗੋਲੀਆਂ ਲੱਗੀਆਂ ਉਸ ਅੰਦਰ ਦੋ ਛੋਟੀ ਉਮਰ ਦੇ ਬੱਚੇ ਸੌਂ ਰਹੇ ਸਨ।ਪਰ ਚੰਗੀ ਗੱਲ ਰਹੀ ਕਿ ਕੋਈ ਬੱਚਾਂ ਜ਼ਖਮੀ ਨਹੀ ਹੋਇਆ ਪਰ ਘਰ ਦੇ ਅੰਦਰ ਮੌਜੂਦ ਵਿਅਕਤੀਆਂ ਵਿੱਚੋਂ ਇੱਕ ਨੂੰ ਮਾਮੂਲੀ ਸੱਟ ਲੱਗੀ ਹੈ।ਇਹ ਸਿਰਫ ਕਿਸਮਤ ਦੀ ਗੱਲ ਸੀ ਕਿ ਇਸ ਲਾਪਰਵਾਹੀ ਨਾਲ ਕੋਈ ਵਿਅਕਤੀ ਗੰਭੀਰ ਰੂਪ ਵਿੱਚ ਜ਼ਖਮੀ ਨਹੀਂ ਹੋਇਆ।ਪੁਲਿਸ ਵੱਲੋਂ ਘਟਨਾ ਦੀ ਜਾਂਚ ਜਾਰੀ ਹੈ ਇਸ ਦੇ ਨਾਲ ਹੀ ਪੁਲਿਸ ਨੇ ਕਿਹਾ ਕਿ ਜੇ ਕਿਸੇ ਵਿਅਕਤੀ ਕੋਲ ਇਸ ਘਟਨਾ ਬਾਰੇ ਕੋਈ ਵੀ ਜਾਣਕਾਰੀ ਹੋਵੇ ਤਾਂ ਫਾਈਲ ਨੰਬਰ 231213/3889 ਦੇ ਹਵਾਲੇ ਨਾਲ ਪੁਲਿਸ ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।
