ਲਾਸ ਵੇਗਾਸ ਅਮਰੀਕਾ ਦੀ ਇਕ ਅਦਾਲਤ ਵਿੱਚ ਇੱਕ ਹੈਰਾਨ ਕਰ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਜਿੱਥੇ ਜ਼ਮਾਨਤ ਨਾ ਮਿਲਣ ‘ਤੇ ਗੁੱਸੇ ‘ਚ ਆ ਕੇ ਇਕ ਦੋਸ਼ੀ ਨੂੰ ਫੈਸਲਾ ਸੁਣਾ ਰਹੀ ਮਹਿਲਾ ਜੱਜ ‘ਤੇ ਹਮਲਾ ਕਰ ਦਿੱਤਾ। ਇਹ ਘਟਨਾ ਬੀਤੇਂ ਦਿਨ ਬੁੱਧਵਾਰ ਨੂੰ ਲਾਸ ਵੇਗਾਸ ਵਿੱਚ ਅਦਾਲਤ ਦੇ ਕਮਰੇ ਵਿੱਚ ਵਾਪਰੀ।ਇਸ ਹਮਲੇ ਨਾਲ ਸਬੰਧਤ ਦ੍ਰਿਸ਼ ਅਦਾਲਤ ਦੇ ਸੀਸੀਟੀਵੀ ਕੈਮਰੇ ਵਿੱਚ ਵੀ ਰਿਕਾਰਡ ਹੋ ਗਏ।ਅਮਰੀਕੀ ਨਿਊਜ਼ ਮੈਗਜ਼ੀਨ ਅਤੇ ਨਿਊਯਾਰਕ ਪੋਸਟ ਦੁਆਰਾ ਪ੍ਰਕਾਸ਼ਿਤ ਵੇਰਵਿਆਂ ਦੇ ਅਨੁਸਾਰ, ਲਾਸ ਵੇਗਾਸ ਦੀ ਕਲਾਰਕ ਕਾਉਂਟੀ ਜ਼ਿਲ੍ਹਾ ਅਦਾਲਤ ਵਿੱਚ ਮੁਲਜ਼ਮ ਦੇ ਅਪਰਾਧਿਕ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਸੀ।ਜੱਜ ਮੈਰੀ ਕੇ ਹੋਲਡਸ ਨੇ ਮਾਮਲੇ ਦੇ ਦੋਸ਼ੀ 30 ਸਾਲਾ ਦੇ ੳਬਰਾ ਰੇਡਨ ਨੂੰ ਜ਼ਮਾਨਤ ਦੇਣ ਤੋਂ ਇਨਕਾਰ ਕਰ ਦਿੱਤਾ।ਜੱਜ ਨੇ ਦੱਸਿਆ ਕਿ ਉਸ ਵਿਰੁੱਧ ਪਹਿਲਾਂ ਵੀ ਕਈ ਕੇਸ ਦਰਜ ਹਨ। ਇਸ ਤੋਂ ਖਿੱਝਿਆ ਮੁਲਜ਼ਮ ਜੱਜ ਦੀ ਬੈਂਚ ਕੋਲ ਜਾ ਪੁੱਜਾ। ਉਸ ਨੇ ਜੱਜ ‘ਤੇ ਛਾਲ ਮਾਰ ਕੇ ਉਸ ‘ਤੇ ਹਮਲਾ ਕਰ ਦਿੱਤਾ। ਉਸ ਨੇ ਮਦਦ ਲਈ ਚੀਕੀ ਕਿਉਂਕਿ ਉਸ ਨੂੰ ਵਾਰ-ਵਾਰ ਮੁੱਕਾ ਮਾਰਿਆ ਜਾ ਰਿਹਾ ਸੀ।ਉਸ ਦੇ ਨਾਲ ਮੌਜੂਦ ਕਲਰਕ ਅਤੇ ਸੁਰੱਖਿਆ ਕਰਮਚਾਰੀਆਂ ਨੇ ਤੁਰੰਤ ਜਵਾਬ ਦੇ ਕੇ ਉਸ ਨੂੰ ਰੋਕਿਆ ਤਾਂ ਵੱਡਾ ਹਾਦਸਾ ਹੋਣ ਤੋ ਟਲ ਗਿਆ। ਪਰ ਮੁਲਜ਼ਮਾਂ ਦੇ ਹਮਲੇ ਵਿੱਚ ਜੱਜ ਅਤੇ ਉਸ ਦੇ ਸਹਾਇਕ ਨੂੰ ਵੀ ਮਾਮੂਲੀ ਸੱਟਾਂ ਲੱਗੀਆਂ। ਇਹ ਸਭ ਕੁਝ ਮਿੰਟਾਂ ਵਿੱਚ ਹੀ ਹੋ ਗਿਆ। ਮੁਲਜ਼ਮ ਦੀ ਇਸ ਹਰਕਤ ਨਾਲ ਉਥੇ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਬਾਅਦ ਵਿੱਚ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰਕੇ ਉਸ ਉੱਤੇ ਨਵੇਂ ਜੁਰਮਾਂ ਦੇ ਦੋਸ਼ ਲਾ ਕੇ ਉਸ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ ਹੈ।
