ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀਰਵਾਰ ਨੂੰ ਮੱਧ ਪ੍ਰਦੇਸ਼ ਵਿਚ ਡਿਜੀਟਲ ਮਾਧਿਅਮ ਰਾਹੀਂ 17,551 ਕਰੋੜ ਰੁਪਏ ਤੋਂ ਵੱਧ ਦੇ ਵਿਕਾਸ ਪ੍ਰੋਜੈਕਟਾਂ ਦਾ ਉਦਘਾਟਨ ਅਤੇ ਨੀਂਹ ਪੱਥਰ ਰੱਖਿਆ। ‘ਡਿਵੈਲਪ ਇੰਡੀਆ, ਡਿਵੈਲਪ ਮੱਧ ਪ੍ਰਦੇਸ਼’ ਪ੍ਰੋਗਰਾਮ ਦੌਰਾਨ, ਪ੍ਰਧਾਨ ਮੰਤਰੀ ਨੇ ਸਿੰਚਾਈ, ਬਿਜਲੀ, ਸੜਕਾਂ, ਰੇਲਵੇ, ਜਲ ਸਪਲਾਈ, ਕੋਲਾ ਅਤੇ ਉਦਯੋਗ ਵਰਗੇ ਪ੍ਰਮੁੱਖ ਖੇਤਰਾਂ ਵਿੱਚ ਕਈ ਪ੍ਰੋਜੈਕਟਾਂ ਦਾ ਨੀਂਹ ਪੱਥਰ ਰੱਖਿਆ ਜਾਂ ਰਾਸ਼ਟਰ ਨੂੰ ਸਮਰਪਿਤ ਕੀਤਾ। ਮੋਦੀ ਨੇ ਭਾਜਪਾ ਸ਼ਾਸਿਤ ਰਾਜ ਵਿੱਚ ‘ਸਾਈਬਰ ਤਹਿਸੀਲ’ ਪ੍ਰੋਜੈਕਟ ਦੀ ਸ਼ੁਰੂਆਤ ਵੀ ਕੀਤੀ ਅਤੇ ਉਜੈਨ ਸ਼ਹਿਰ ਵਿੱਚ ਭਾਰਤੀ ‘ਪੰਚਾਂਗ’ ਜਾਂ ਸਮਾਂ ਗਣਨਾ ਪ੍ਰਣਾਲੀ ‘ਤੇ ਅਧਾਰਤ ਵਿਸ਼ਵ ਦੀ ਪਹਿਲੀ ‘ਵਿਕਰਮਾਦਿੱਤ ਵੈਦਿਕ ਘੜੀ’ ਦਾ ਉਦਘਾਟਨ ਕੀਤਾ।
