ਟੋਰਾਂਟੋ ਪੁਲਿਸ ਵੱਲੋ ਇਸ ਹਫ਼ਤੇ ਦੇ ਸ਼ੁਰੂ ਵਿੱਚ ਟਰਾਂਟੋ ਦੇ ਰੈਕਸਡੇਲ ਵਿੱਚ ਗੋਲੀ ਮਾਰ ਕੇ ਮਾਰੇ ਗਏ ਵਿਅਕਤੀ ਦੀ ਪਛਾਣ ਬ੍ਰਿਟਿਸ਼ ਕੋਲੰਬੀਆ ਵਾਸੀ 25 ਸਾਲਾ ਜਸਮੀਤ ਬਦੇਸ਼ਾ ਵਜੋਂ ਕੀਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਮਿਸ਼ਨ, ਬੀ.ਸੀ. ਦੇ ਰਹਿਣ ਵਾਲੇ 25 ਸਾਲਾ ਜਸਮੀਤ ਬਦੇਸ਼ਾ ਨੂੰ ਐਤਵਾਰ ਸ਼ਾਮ ਨੂੰ ਟੋਰਾਂਟੋ ਦੇ ਇਸਲਿੰਗਟਨ ਐਵੇਨਿਊ ਦੇ ਪੱਛਮ ਵਿੱਚ ਬਰਗਾਮੋਟ ਡਰਾਈਵ ਅਤੇ ਰੈਕਸਡੇਲ ਬੁਲੇਵਾਰਡ ਨੇੜੇ ਇੱਕ ਅਪਾਰਟਮੈਂਟ ਬਿਲਡਿੰਗ ਦੀ ਪਾਰਕਿੰਗ ਲਾਟ ਨੇੜੇ ਗੋਲੀ ਮਾਰੀ ਗਈ ਸੀ,ਜਿਸਤੋਂ ਬਾਅਦ ੳਸਦੀ ਮੌਤ ਹੋ ਗਈ ਸੀ, ਪੁਲਿਸ ਵੱਲੋ ਕਤਲ ਦਾ ਕਾਰਨ ਅਤੇ ਕਾਤਲਾ ਬਾਰੇ ਜਾਣਕਾਰੀ ਇਕੱਠੀ ਕੀਤੀ ਜਾ ਰਹੀ ਹੈ
