ਆਕਲੈਂਡ(ਬਲਜਿੰਦਰ ਰੰਧਾਵਾ) ਪਿਛਲੇ ਢਾਈ ਮਹੀਨਿਆਂ ਤੋ ਨਿਊਜੀਲੈਡ ਵਿੱਚ ਕਵੀਸ਼ਰੀ ਰਾਹੀ ਸਿੱਖ ਇਤਹਾਸ ਰਾਹੀ ਸੰਗਤ ਨੂੰ ਨਿਹਾਲ ਕਰ ਰਹੇ ਭਾਈ ਗੁਰਮੁੱਖ ਸਿੰਘ MA ਦੇ ਕਵੀਸ਼ਰੀ ਜਥੇ ਨੂੰ ਸੁਪਰੀਮ ਸਿੱਖ ਸੁਸਾਇਟੀ ਵੱਲੋਂ ਅੱਜ ਗੁਰਦੁਆਰਾ ਕਲਗੀਧਰ ਸਾਹਿਬ ਟਾਕਾਨੀਨੀ ਵਿਖੇ ਟਾਕਾਨਿਨੀ ਵਿਖੇ ਸੋਨੇ ਦੇ ਖੰਡੇ ਨਾਲ ਸਨਮਾਨਿਤ ਕੀਤਾ ਗਿਆ।ਢਾਈ ਮਹੀਨੇ ਦੇ ਸਮੇਂ ਦੌਰਾਨ ਜਥੇ ਵੱਲੋਂ ਨਿਊਜ਼ੀਲੈਂਡ ਦੇ ਲਗਭਗ ਦਰਜਨ ਗੁਰੂ ਘਰਾਂ ਵਿੱਚ ਹਾਜਰੀ ਭਰੀ ਅਤੇ ਸੰਗਤ ਵਲੋ ਬਹੁਤ ਉਤਸ਼ਾਹ ਨਾਲ ਜਥੇ ਨੂੰ ਸੁਣਿਆਂ ਗਿਆ ਸੀ । ਟਾਕਾਨਿਨੀ ਗੁਰੂ ਘਰ ਵਿੱਚ ਉਹਨਾਂ 16 ਜੂਨ ਦੇ ਆਖਿਰੀ ਦੀਵਾਨ ਵਿੱਚ ਸੰਗਤਾਂ ਵਲੋ ਮਿਲੇ ਅਥਾਹ ਪਿਆਰ ਲਈ ਸੰਗਤਾਂ ਦਾ ਧੰਨਵਾਦ ਕੀਤਾ ਜਿੱਥੇ ਉਹਨਾਂ ਨੂੰ ਸਿਰਪਾਉ ਬਖਸ਼ਿਸ ਕੀਤੇ ਗਏ ਅਤੇ ਅੱਜ ਇੰਡੀਆ ਰਵਾਨਗੀ ਸਮੇ ਉਹਨਾਂ ਨੂੰ ਸੋਨੇ ਦੇ ਖੰਡੇ ਨਾਲ ਸਨਮਾਨਿਤ ਕੀਤਾ ਗਿਆ।
