ਈਸਟ ਆਕਲੈਂਡ ‘ਚ ਬੱਸ ਵਿੱਚ ਇੱਕ ਵਿਅਕਤੀ ‘ਤੇ ਹੋਇਆ ਹਮਲਾਂ…

ਆਕਲੈਂਡ(ਬਲਜਿੰਦਰ ਰੰਧਾਵਾ) ਪੁਲਿਸ ਆਕਲੈਂਡ ਦੇ ਪਾਕੁਰੰਗਾ ਵਿੱਚ ਬੱਸ ‘ਚ ਇੱਕ ਵਿਅਕਤੀ ‘ਤੇ ਹੋਏ ਹਮਲੇ ਦੀ ਜਾਂਚ ਕਰ ਰਹੀ ਹੈ ਜਿਸ ਵਿੱਚ ਪਿਛਲੇ ਹਫ਼ਤੇ ਪੀੜਤ ਦੇ ਚਿਹਰੇ ‘ਤੇ ਗੰਭੀਰ ਸੱਟਾਂ ਲੱਗੀਆਂ ਸਨ।ਪੀੜਤ ਵਿਅਕਤੀ ਸ਼ੁੱਕਰਵਾਰ, 28 ਜੂਨ ਨੂੰ ਸਵੇਰੇ 9.15 ਵਜੇ ਦੇ ਕਰੀਬ ਹਾਵਿਕ ਤੋਂ ਆਕਲੈਂਡ ਸਿਟੀ ਵੱਲ ਜਾ ਰਹੀ ਬੱਸ ‘ਤੇ ਸਵਾਰ ਸੀ, ਜਦੋਂ ਇਹ ਘਟਨਾ ਵਾਪਰੀ।ਐਕਟਿੰਗ ਡਿਟੈਕਟਿਵ ਸੀਨੀਅਰ ਸਾਰਜੈਂਟ ਜੇਮਸ ਮੈਪ ਨੇ ਕਿਹਾ ਕਿ ਇੱਕ ਅਣਪਛਾਤੀ ਔਰਤ “ਪੀੜਤ ‘ਤੇ ਕਿਸੇ ਵਸਤੂ ਨਾਲ ਹਮਲਾ ਕਰਨ” ਤੋਂ ਪਹਿਲਾਂ ਬੱਸ ਵਿੱਚ ਚੜ੍ਹੀ ਹਮਲਾ ਕਰਨ ਤੋ ਬਾਅਦ ਦੋਸ਼ੀ ਔਰਤ ਪੁਲਿਸ ਦੇ ਆਉਣ ਤੋਂ ਪਹਿਲਾਂ ਹੀ ਬੱਸ ਛੱਡ ਕੇ ਫ਼ਰਾਰ ਹੋ ਗਈ ਸੀ।ਪੁਲਿਸ ਨੇ ਕਿਹਾ ਕਿ ਜੇ ਕੋਈ ਵਿਅਕਤੀ ਇਸ ਘਟਨਾ ਦਾ ਗਵਾਹ ਹੈ ਜਾਂ ਇਸ ਬਾਰੇ ਕੋਈ ਜਾਣਕਾਰੀ ਰੱਖਦਾ ਹੈ, ਉਸ ਨੂੰ 105 ‘ਤੇ ਪੁਲਿਸ ਨਾਲ ਸੰਪਰਕ ਕਰਨ ਜਾਂ 0800 555 111 ‘ਤੇ ਕ੍ਰਾਈਮਸਟੌਪਰਜ਼ ਰਾਹੀਂ ਅਗਿਆਤ ਤੌਰ ‘ਤੇ ਜਾਣਕਾਰੀ ਦੇਣ ਦੀ ਅਪੀਲ ਕੀਤੀ ਗਈ ਹੈ।