ਆਕਲੈਂਡ(ਬਲਜਿੰਦਰ ਰੰਧਾਵਾ)ਅੱਜ ਸਵੇਰੇ ਆਕਲੈਂਡ ਦੇ ਦੱਖਣੀ ਮੋਟਰਵੇਅ ‘ਤੇ ਮਾਉਂਟ ਵੈਲਿੰਗਟਨ ਨਜ਼ਦੀਕ ਇੱਕ ਕਾਰ ਨੂੰ ਅੱਗ ਲੱਗ ਜਾਣ ਦੀ ਖਬਰ ਹੈ।ਘਟਨਾ ਸਵੇਰੇ 10 ਵਜੇ ਤੋ ਕੁਝ ਸਮਾਂ ਪਹਿਲਾ ਉਸ ਵੇਲੇ ਵਾਪਰੀ ਜਦੋ ਇੱਕ ਟੋਅ ਟਰੱਕ ਕਾਰ ਨੂੰ ਲੈ ਕੇ ਜਾ ਰਿਹਾ ਸੀ ਅਤੇ ਕਾਰ ਨੂੰ ਅਚਾਨਕ ਅੱਗ ਲੱਗ ਗਈ।ਮੌਕੇ ‘ਤੇ ਫਾਇਰ ਵਿਭਾਗ ਦੇ ਕਰਮਚਾਰੀਆਂ ਵੱਲੋਂ ਭਾਰੀ ਮੁਸ਼ੱਕਤ ਤੋਂ ਬਾਅਦ ਅੱਗ ‘ਤੇ ਕਾਬੂ ਪਾਇਆ ਗਿਆ।ਇਸ ਘਟਨਾ ਕਾਰਨ ਮੋਟਰਵੇਅ ‘ਤੇ 5 ਕਿਲੋਮੀਟਰ ਤੋ ਵੱਧ ਤੱਕ ਜਾਮ ਲੱਗਣ ਦੀ ਵੀ ਖ਼ਬਰ ਹੈ।
