ਆਕਲੈਂਡ(ਬਲਜਿੰਦਰ ਰੰਧਾਵਾ) ਥਾਈਲੈਂਡ ਵਿੱਚ ਇੱਕ ਨਿਊਜ਼ੀਲੈਂਡ ਸੈਲਾਨੀ ਦੀ ਹੋਟਲ ਦੀ ਬਾਲਕੋਨੀ ਤੋਂ ਡਿੱਗਣ ਕਾਰਨ ਮੌਤ ਹੋ ਜਾਣ ਦੀ ਖ਼ਬਰ ਹੈ।ਥਾਈ ਮੀਡੀਆ ਨੇ ਦੱਸਿਆ ਕਿ ਪੀੜਤ, ਜਿਸ ਦੀ ਪਛਾਣ 36 ਸਾਲਾ Akuhata Edward Robert Hammond ਵਜੋਂ ਹੋਈ ਹੈ Pattaya ਵਿੱਚ ਆਪਣੇ ਕਮਰੇ ਦੀ 7ਵੀਂ ਮੰਜ਼ਿਲ ਦੀ ਬਾਲਕੋਨੀ ਤੋਂ ਡਿੱਗ ਗਿਆ।ਵਿਦੇਸ਼ ਅਤੇ ਵਪਾਰ ਮੰਤਰਾਲੇ ਦੇ ਬੁਲਾਰੇ ਨੇ ਕਿਹਾ ਕਿ ਉਹ ਹੈਮੰਡ ਦੇ ਪਰਿਵਾਰ ਨੂੰ ਕੌਂਸਲਰ ਸਹਾਇਤਾ ਪ੍ਰਦਾਨ ਕਰ ਰਹੇ ਹਨ।Pattaya ਸਿਟੀ ਪੁਲਿਸ ਸਟੇਸ਼ਨ ਦੇ ਡਿਪਟੀ ਇਨਵੈਸਟੀਗੇਟਰ ਕੈਪਟਨ ਚੈਨੂਨ ਕਾਸੋਰਨਬੂਆ ਨੇ ਦੱਸਿਆ ਕਿ Pattaya ਪੁਲਿਸ ਨੇ ਘਟਨਾ ਵਾਲੀ ਥਾਂ ‘ਤੇ ਪੂਰੀ ਜਾਂਚ ਕੀਤੀ ਹੈ। ਮੌਤ ਦੇ ਕਾਰਨਾਂ ਦਾ ਪਤਾ ਲਗਾਉਣ ਲਈ ਹੈਮੰਡ ਦੀ ਲਾਸ਼ ਨੂੰ ਵਿਸਤ੍ਰਿਤ ਪੋਸਟਮਾਰਟਮ ਲਈ ਪੁਲਿਸ ਜਨਰਲ ਹਸਪਤਾਲ ਦੇ ਫੋਰੈਂਸਿਕ ਮੈਡੀਸਨ ਇੰਸਟੀਚਿਊਟ ਵਿੱਚ ਭੇਜਿਆ ਗਿਆ ਹੈ।ਹੈਮੰਡ ਦੀ ਮ੍ਰਿਤਕ ਦੇਹ ਨੂੰ ਨਿਊਜ਼ੀਲੈਂਡ ਲਿਆਉਣ ਲਈ ਸਹਾਇਤਾ ਵਾਸਤੇ Givealittle ‘ਤੇ ਪੇਜ ਸਥਾਪਤ ਕੀਤਾ ਗਿਆ ਹੈ।
