ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ) ਆਕਲੈਂਡ ਏਅਰਪੋਰਟ ਦੇ ਨਜਦੀਕ ਮੈਂਗਰੀ ‘ਚ ਜਾਰਜ ਬੋਲਟ ਮੈਮੋਰੀਅਲ ਡਰਾਈਵ ‘ਤੇ ਮੋਟਰਸਾਈਕਲ ਦੀ ਟੱਕਰ ਨਾਲ ਇਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ ਦੋ ਹੋਰ ਜ਼ਖਮੀ ਹੋ ਗਏ।ਅੱਜ ਸਵੇਰੇ 6 ਵਜੇ ਦੇ ਕਰੀਬ ਜਾਰਜ ਬੋਲਟ ਮੈਮੋਰੀਅਲ ਡਰਾਈਵ ਤੇ ਮੋਟਰਸਾਈਕਲ ਅਤੇ ਇੱਕ ਵਾਹਨ ਵਿਚਕਾਰ ਹਾਦਸਾ ਵਾਪਰਿਆ। ਮੋਟਰਸਾਈਕਲ ਸਵਾਰ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ ਪਰ ਹਾਦਸੇ ਤੋਂ ਤੁਰੰਤ ਬਾਅਦ ਉਸ ਦੀ ਮੌਤ ਹੋ ਗਈ ਅਤੇ ਵਾਹਨ ‘ਤੇ ਸਵਾਰ ਦੋ ਵਿਅਕਤੀ ਵੀ ਜ਼ਖਮੀ ਹੋ ਗਏ। ਪੁਲਿਸ ਸੀਰੀਅਸ ਕਰੈਸ਼ ਯੂਨਿਟ ਦੇ ਨਾਲ ਮੌਕੇ ‘ਤੇ ਮੌਜੂਦ ਹੈ, ਅਤੇ ਥਾਂ-ਥਾਂ ‘ਤੇ ਘੇਰਾਬੰਦੀ ਕੀਤੀ ਹੋਈ ਹੈ ਅਤੇ ਸੜਕ ਨੂੰ ਫਿਲਹਾਲ ਬੰਦ ਕੀਤੀ ਗਿਆ ਹੈ ਵਾਹਨ ਚਾਲਕਾਂ ਨੂੰ ਇਸ ਖੇਤਰ ਤੋਂ ਬਚਣ ਦੀ ਸਲਾਹ ਦਿੱਤੀ ਗਈ ਹੈ। ਪੁਲਿਸ ਇਸ ਦੀ ਬਜਾਏ ਸਟੇਟ ਹਾਈਵੇਅ 20B/ਪੁਹੀਨੁਈ ਰੋਡ ਦੀ ਵਰਤੋਂ ਕਰਕੇ ਹਵਾਈ ਅੱਡੇ ਦੇ ਖੇਤਰ ਵਿੱਚ ਦਾਖਲ ਹੋਣ ਅਤੇ ਬਾਹਰ ਜਾਣ ਦੀ ਸਲਾਹ ਦੇ ਰਹੀ ਹੈ।
