ਹਿਮਾਚਲ ਪ੍ਰਦੇਸ਼ ਦੇ ਜ਼ਿਲ੍ਹਾ ਸੋਲਨ ਵਿੱਚ ਪਰਵਾਣੂ ਟਿੰਬਰ ਟ੍ਰੇਲ (ਕੇਬਲ ਕਾਰ) ਵਿੱਚ ਤਕਨੀਕੀ ਖਰਾਬੀ ਕਾਰਨ 11 ਸੈਲਾਨੀ ਫਸ ਗਏ। ਹਿਮਾਚਲ ਪ੍ਰਦੇਸ਼ ਦੇ ਪਰਵਾਣੂ ‘ਚ ਇੱਕ ਕੇਬਲ ਕਾਰ 120 ਫੁੱਟ ਦੀ ਉਚਾਈ ‘ਤੇ ਫਸ ਗਈ ਜਿਸ ਵਿੱਚ ਬਜ਼ੁਰਗਾਂ ਅਤੇ 5 ਔਰਤਾਂ ਸਮੇਤ 11 ਲੋਕ ਸਨ। ਇਹ ਲੋਕ 800 ਮੀਟਰ ਦੂਰ ਪਹਾੜੀ ‘ਤੇ ਬਣੇ ਟਿੰਬਰ ਟ੍ਰੇਲ ਰਿਜ਼ੋਰਟ ‘ਚ ਜਾ ਰਹੇ ਸਨ। ਐਨ ਡੀ ਐਫ ਆਰ ਦੇ ਬਚਾਅ ਟੀਮ ਨੇ ਰੱਸੀ ਦੀ ਮਦਦ ਨਾਲ ਇਕ-ਇਕ ਕਰਕੇ ਸਾਰਿਆਂ ਨੂੰ ਬਾਹਰ ਕੱਢਿਆ। ਇਹ ਬਚਾਅ ਲਗਭਗ 5 ਘੰਟੇ ਤੱਕ ਚੱਲਿਆ। ਇਸ ਦੌਰਾਨ ਹਵਾਈ ਸੈਨਾ ਨੂੰ ਵੀ ਅਲਰਟ ‘ਤੇ ਰੱਖਿਆ ਗਿਆ। ਬਚਾਅ ਦੌਰਾਨ ਸ਼ਿਮਲਾ-ਚੰਡੀਗੜ੍ਹ ਹਾਈਵੇਅ ‘ਤੇ ਆਵਾਜਾਈ ਠੱਪ ਰਹੀ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਸ਼ਾਫਟ ਟੁੱਟਣ ਕਾਰਨ ਦੋ ਰੋਪਵੇਅ ਟਰਾਲੀਆਂ ਆਪਸ ਵਿੱਚ ਫਸ ਗਈਆਂ। ਉਪਰੋਂ ਜਾ ਰਹੀ ਟਰਾਲੀ ਵਿੱਚ ਤਿੰਨ ਸੈਲਾਨੀ ਸਵਾਰ ਸਨ, ਜਿਨ੍ਹਾਂ ਨੂੰ ਬਚਾ ਲਿਆ ਗਿਆ ਹੈ। ਇਸ ਦੇ ਨਾਲ ਹੀ ਉੱਪਰ ਤੋਂ ਹੇਠਾਂ ਵੱਲ ਆ ਰਹੀ ਰੋਪਵੇਅ ਟਰਾਲੀ ਵਿੱਚ ਦਸ ਸੈਲਾਨੀ ਫਸ ਗਏ ਹਨ, ਜਿਨ੍ਹਾਂ ਨੂੰ ਕੱਢਣ ਲਈ ਬਚਾਅ ਕਾਰਜ ਜਾਰੀ ਹੈ। ਬਚਾਅ ਟੀਮ ਨੇ ਦਿੱਲੀ ਦੀ ਰਹਿਣ ਵਾਲੀ ਅੰਜੂ ਗਰਗ ਨੂੰ ਬਚਾ ਲਿਆ ਹੈ। ਔਰਤ ਗਰਭਵਤੀ ਹੈ ਅਤੇ ਹੁਣ ਉਸ ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ।
11 ਅਕਤੂਬਰ 1992 ਨੂੰ ਇੱਥੇ ਇੱਕ ਹਾਦਸਾ ਹੋਇਆ ਸੀ, ਦਸ ਲੋਕ ਕਈ ਦਿਨਾਂ ਤਕ ਇਸ ਵਿੱਚ ਫਸੇ ਰਹੇ ਅਤੇ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਸੀ। ਇਹ ਰੋਪਵੇਅ ਟਰਾਲੀ ਟਿੰਬਰ ਟ੍ਰੇਲ ਰਿਜ਼ੋਰਟ ਦੀ ਹੈ। ਇਹ ਰਿਜ਼ੋਰਟ ਸ਼ਿਮਲਾ ਪਰਵਾਣੂ ਹਾਈਵੇ ਦੇ ਬਿਲਕੁਲ ਪਾਰ ਪਹਾੜੀ ‘ਤੇ ਹੈ। ਇਸ ਰਿਜ਼ੋਰਟ ਤਕ ਪਹੁੰਚਣ ਲਈ ਕੋਈ ਸੜਕ ਨਹੀਂ ਹੈ। ਸੈਲਾਨੀ ਇੱਥੇ ਰੋਪਵੇਅ ਟਰਾਲੀ ਦੀ ਮਦਦ ਨਾਲ ਹੀ ਪਹੁੰਚਦੇ ਹਨ। ਸ਼ਿਮਲਾ ਵੱਲ ਜਾਣ ਵਾਲੇ ਬਹੁਤ ਸਾਰੇ ਸੈਲਾਨੀ ਇਸ ਰਿਜ਼ੋਰਟ ਵਿੱਚ ਠਹਿਰਦੇ ਹਨ। ਇਹ ਚੰਡੀਗੜ੍ਹ ਤੋਂ ਬਹੁਤੀ ਦੂਰ ਨਹੀਂ ਹੈ। ਅਜਿਹੇ ‘ਚ ਚੰਡੀਗੜ੍ਹ ਦੇ ਲੋਕ ਵੀਕੈਂਡ ‘ਤੇ ਲੰਚ ਅਤੇ ਡਿਨਰ ਕਰਨ ਲਈ ਇਸ ਪਹਾੜੀ ਰਿਜ਼ੋਰਟ ‘ਤੇ ਪਹੁੰਚਦੇ ਹਨ।
ਵੀਕੈਂਡ ਤੋਂ ਬਾਅਦ ਸੋਮਵਾਰ ਨੂੰ ਸੈਲਾਨੀਆਂ ਦੀ ਇੰਨੀ ਭੀੜ ਨਹੀਂ ਸੀ। ਪਰ ਇਸ ਦੌਰਾਨ ਕਿਸੇ ਤਕਨੀਕੀ ਖਰਾਬੀ ਕਾਰਨ ਸੈਲਾਨੀਆਂ ਦੀ ਟਰਾਲੀ ਹਵਾ ਵਿੱਚ ਹੀ ਫਸ ਗਈ।
