ਬਰਤਾਨੀਆ ਦੀ ਵਿਦੇਸ਼ ਸਕੱਤਰ ਲਿਜ਼ ਟਰੱਸ ਸਾਬਕਾ ਚਾਂਸਲਰ ਰਿਸ਼ੀ ਸੁਨਕ ਨਾਲ 10ਵੇਂ ਨੰਬਰ ‘ਤੇ ਬੋਰਿਸ ਜਾਨਸਨ ਦੀ ਥਾਂ ਲੈਣ ਲਈ ਮੁਕਾਬਲਾ ਕਰ ਰਹੇ ਹਨ। ਦੋਵੇਂ ਉਮੀਦਵਾਰਾਂ ਨੂੰ ਲਗਾਤਾਰ ਬਿਆਨਬਾਜ਼ੀ ਕਰਨੀ ਪੈ ਰਹੀ ਹੈ ਤਾਂ ਕਿ ਆਪਣਾ ਪੱਖ ਵਧੇਰੇ ਵਧੀਆ ਢੰਗ ਨਾਲ ਪੇਸ਼ ਕਰ ਸਕਣ। ਲਿਜ਼ ਟਰੱਸ ਨੇ ਵਾਅਦਾ ਕੀਤਾ ਹੈ ਕਿ ਉਹ ਸੈਕਸ਼ਨ 30 ਆਰਡਰ ਲਈ ਕੋਈ ਵੀ ਬੇਨਤੀ ਸਵੀਕਾਰ ਨਹੀਂ ਕਰੇਗੀ। ਮੌਜੂਦਾ ਪ੍ਰੋਟੋਕੋਲ ਦੇ ਤਹਿਤ ਰਾਏਸ਼ੁਮਾਰੀ ਕਰਵਾਉਣ ਲਈ ਸੈਕਸ਼ਨ 30 ਆਰਡਰ ਦੇਣ ਦੀ ਲੋੜ ਹੋਵੇਗੀ। ਇਹ ਅਜਿਹਾ ਕਰਨ ਲਈ ਵੈਸਟਮਿੰਸਟਰ ਤੋਂ ਹੋਲੀਰੂਡ ਤੱਕ ਲੋੜੀਂਦੀਆਂ ਸ਼ਕਤੀਆਂ ਦੇ ਅਸਥਾਈ ਤਬਾਦਲੇ ਦੀ ਇਜਾਜ਼ਤ ਦੇਵੇਗਾ, ਜਿਵੇਂ ਕਿ 2014 ਦੇ ਜਨਮਤ ਸੰਗ੍ਰਹਿ ਦਾ ਮਾਮਲਾ ਸੀ। ਸਕਾਟਿਸ਼ ਸਰਕਾਰ ਨੇ ਸੁਪਰੀਮ ਕੋਰਟ ਨੂੰ ਕਿਹਾ ਹੈ ਕਿ ਕੀ ਵੈਸਟਮਿੰਸਟਰ ਦੀ ਸਹਿਮਤੀ ਤੋਂ ਬਿਨਾਂ ਵੋਟਿੰਗ ਹੋ ਸਕਦੀ ਹੈ ਜਾਂ ਨਹੀਂ? ਇਸ ਮਾਮਲੇ ’ਤੇ ਲੰਡਨ ‘ਚ 11 ਅਤੇ 12 ਅਕਤੂਬਰ ਨੂੰ ਸੁਣਵਾਈ ਹੋਵੇਗੀ। ਇਸ ਨੂੰ ਫਸਟ ਮਨਿਸਟਰ ਨਿਕੋਲਾ ਸਟਰਜਨ ਨੇ ਅਗਲੇ ਸਾਲ 19 ਅਕਤੂਬਰ ਨੂੰ ਆਜ਼ਾਦੀ ਦੇ ਮੁੱਦੇ ’ਤੇ ਵੋਟਿੰਗ ਕਰਵਾਉਣ ਦਾ ਆਪਣਾ ਇਰਾਦਾ ਦੱਸਿਆ ਹੈ। ਹਾਲਾਂਕਿ ਟਰੱਸ ਨੇ ਕਿਹਾ ਹੈ ਕਿ ਹੋਲੀਰੂਡ ਵਿਖੇ ਸਰਕਾਰ ਦੁਆਰਾ ਪੇਸ਼ ਕੀਤਾ ਗਿਆ ਸਕਾਟਿਸ ਸੁਤੰਤਰਤਾ ਰੈਫਰੈਂਡਮ ਬਿੱਲ ਕਾਨੂੰਨੀ ਨਹੀਂ ਹੈ। ਕੰਜ਼ਰਵੇਟਿਵ ਲੀਡਰਸ਼ਿਪ ਉਮੀਦਵਾਰ ਨੇ ਭਵਿੱਖ ਦੀ ਵੋਟ ਲਈ ਆਪਣਾ ਵਿਰੋਧ ਸਪੱਸ਼ਟ ਕੀਤਾ। ਇਸ ਸਬੰਧੀ ਟਰੱਸ ਦਾ ਸਕਾਟਲੈਂਡ ਦਾ ਦੌਰਾ ਕਰਨ ਦੀ ਉਮੀਦ ਹੈ ਤੇ ਉਸ ਨੇ ਯੂ.ਕੇ. ਨੂੰ ਇਕੱਠੇ ਰੱਖਣ ਦੇ ਆਪਣੇ ਇਰਾਦੇ ਦੀ ਰੂਪ-ਰੇਖਾ ਦੱਸੀ ਹੈ। ਉਨ੍ਹਾਂ ਕਿਹਾ ਕਿ ਐੱਸ.ਐੱਨ.ਪੀ. 2014 ਦੇ ਜਨਮਤ ਸੰਗ੍ਰਹਿ ਵਿੱਚ ਹਾਰ ਗਈ ਅਤੇ ਨਿਕੋਲਾ ਸਟਰਜਨ ਹੁਣ ਯੂ.ਕੇ. ਨੂੰ ਤੋੜਨ ਲਈ ਧੋਖੇ ਭਰੀ ਇਕ ਮੁਹਿੰਮ ਦੀ ਅਗਵਾਈ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਵੈਸਟਮਿੰਸਟਰ ਨੇ ਸਕਾਟਲੈਂਡ ਨੂੰ ਸੱਤਾ ਸੌਂਪੀ ਤਾਂ ਇਸ ਵਿੱਚ ਯੂਨੀਅਨ ਨੂੰ ਤੋੜਨ ਲਈ ਵੈਧ ਰਾਇਸ਼ੁਮਾਰੀ ਕਰਵਾਉਣ ਦੀ ਯੋਗਤਾ ਸ਼ਾਮਲ ਨਹੀਂ ਸੀ। ਕਿਸੇ ਵੀ ਸਕਾਟਲੈਂਡ ਦੀ ਆਜ਼ਾਦੀ ਦੇ ਜਨਮਤ ਸੰਗ੍ਰਹਿ ਨੂੰ ਵੈਸਟਮਿੰਸਟਰ ਸੰਸਦ ਦੁਆਰਾ ਅਧਿਕਾਰਤ ਕੀਤੇ ਜਾਣ ਦੀ ਲੋੜ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਜੇ ਮੈਂ ਪ੍ਰਧਾਨ ਮੰਤਰੀ ਬਣ ਜਾਂਦੀ ਹਾਂ ਤਾਂ ਮੈਂ ਇਹ ਅਧਿਕਾਰ ਨਹੀਂ ਦੇਵਾਂਗੀ।
