ਅਮਰੀਕੀ ਅਧਿਕਾਰੀਆਂ ਨੇ ਦੱਸਿਆ ਕਿ ਰਾਸ਼ਟਰਪਤੀ ਜੋ ਬਾਇਡੇਨ ਨੀਤ ਸਰਕਾਰ ਯੂਕ੍ਰੇਨ ਨੂੰ ਮਿਲਟਰੀ ਸਹਾਇਆ ਦੇ ਰੂਪ ‘ਚ ਅਤੇ 40 ਕਰੋੜ ਅਮਰੀਕੀ ਡਾਲਰ ਭੇਜ ਰਹੀ ਹੈ। ਅਮਰੀਕਾ ਨੇ ਇਹ ਸਹਾਇਤਾ ਕਾਂਗਰਸ (ਸੰਸਦ) ‘ਤੇ ਰਿਪਬਲਿਕਨ ਦਾ ਕੰਟਰੋਲ ਹੋਣ ‘ਤੇ ਰੂਸ ਦੇ ਖ਼ਿਲਾਫ਼ ਯੁੱਧ ਲਈ ਦਿੱਤੀ ਜਾਣ ਵਾਲੀ ਵਿੱਤੀ ਸਹਾਇਤਾ ‘ਚ ਕਮੀ ਕੀਤੇ ਜਾਣ ਦੇ ਖਦਸ਼ੇ ਵਿਚਾਲੇ ਘੋਸ਼ਿਤ ਕੀਤੀ ਹੈ। ਜ਼ਿਕਰਯੋਗ ਹੈ ਕਿ ਮੰਗਲਵਾਰ ਨੂੰ ਹੋਈਆਂ ਮੱਧ ਮਿਆਦ ਚੋਣਾਂ ਤੋਂ ਬਾਅਦ ਵੋਟਾਂ ਦੀ ਗਿਣਤੀ ਅਜੇ ਜਾਰੀ ਹੈ ਅਤੇ ਰਿਪਬਲਿਕਨ ਪਾਰਟੀ ਹੌਲੀ-ਹੌਲੀ ਸਦਨ ‘ਚ ਬਹੁਮਤ ਦੇ ਵੱਲ ਵਧ ਰਹੀ ਹੈ। ਉਧਰ ਸੀਨੇਟ ‘ਚ ਕਿਸ ਦਾ ਬਹੁਮਤ ਹੋਵੇਗਾ ਇਹ ਏਰੀਜੋਨਾ, ਨੇਵਾਦਾ ਅਤੇ ਜ਼ਾਰਜੀਆ ਦੇ ਚੋਣ ਨਤੀਜਿਆਂ ‘ਤੇ ਨਿਰਭਰ ਕਰੇਗਾ।
ਪੇਂਟਾਗਨ ਦੇ ਅਨੁਸਾਰ ਇਸ ਮਿਲਟਰੀ ਸਹਾਇਤਾ ਪੈਕੇਜ ‘ਚ ਭਾਰੀ ਮਾਤਰਾ ‘ਚ ਹਥਿਆਰ ਅਤੇ ਪਹਿਲੀ ਵਾਰ ਚਾਰ ਬਹੁਤ ਜ਼ਿਆਦਾ ਸਚਲ ਐਵੇਂਜਰ ਏਅਰ ਡਿਫੈਂਸ ਸਿਸਟਮ ਭੇਜੇ ਜਾਣਗੇ। ਇਸ ਪੈਕੇਜ ‘ਚ ਹਾਈ ਮੋਬੀਲਿਟੀ ਆਰਟੀਲਰੀ ਰਾਕੇਟ ਸਿਸਟਮ ਉਰਫ ਐੱਚ.ਆਈ.ਐੱਮ.ਏ.ਆਰ.ਐੱਸ. ਵੀ ਸ਼ਾਮਲ ਹੋਵੇਗਾ। ਯੂਕ੍ਰੇਨ ਰੂਸ ਦੇ ਖ਼ਿਲਾਫ਼ ਯੁੱਧ ‘ਚ ਇਸ ਦਾ ਸਫਲਤਾਪੂਰਵਕ ਇਸਤੇਮਾਲ ਕਰ ਰਿਹਾ ਹੈ। ਅਧਿਕਾਰੀ ਅਨੁਸਾਰ ਪੈਕੇਜ ‘ਚ ਜ਼ਮੀਨ ਤੋਂ ਹਵਾ ‘ਚ ਮਾਰ ਕਰਨ ਵਾਲੇ ਐਂਟੀ-ਏਅਰਕਰਾਫਟ ਪ੍ਰਣਾਲੀ ਹਾਕ ਦੇ ਸਟਿੰਗਰ ਮਿਜ਼ਾਈਲਾਂ,10,000 ਮੋਰਟਾਰ ਗੋਲੇ, ਹੋਲੀਤਜਰ ਤੋਪਾਂ ਦੇ ਹਜ਼ਾਰਾਂ ਗੋਲੇ, 400 ਗ੍ਰੇ੍ਨੇਡ ਲਾਂਚਰ, 100 ਹਮਵੀਜ਼, ਸਰਦੀਆਂ ਲਈ ਫੌਜੀਆਂ ਦਾ ਵਰਦੀ, ਬਦੂੰਕਾਂ ਅਤੇ ਰਾਈਫਲਾਂ ਲਈ ਦੋ ਕਰੋੜ ਗੋਲੀਆਂ ਸ਼ਾਮਲ ਹੋਣਗੀਆਂ। ਵ੍ਹਾਈਟ ਹਾਊਸ ‘ਚ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਜੇਕ ਸੁਲੀਵਾਨ ਨੇ ਕਿਹਾ ਕਿ ਨਵੇਂ ਸਹਾਇਤਾ ਪੈਕੇਜ ‘ਚ ਮਹੱਤਵਪੂਰਨ ਹਵਾਈ ਰੱਖਿਆ ਸਮੱਗਰੀ ਸ਼ਾਮਲ ਹੋਵੇਗੀ। ਅਮਰੀਕੀ ਅਧਿਕਾਰੀਆਂ ਨੇ ਦੱਸਿਆ ਕਿ ਯੂਕ੍ਰੇਨ ਨੂੰ ਭੇਜਣ ਲਈ ਅਮਰੀਕਾ ਦੱਖਣੀ ਕੋਰੀਆ ਤੋਂ ਹੈਵੀਤਜਰ ਤੋਪਾਂ ਦੇ 1,00,000 ਗੋਲੇ ਖਰੀਦੇਗਾ। ਇਸ ਸਬੰਧ ‘ਚ ਸਮਝੌਤੇ ਲਈ ਅਮਰੀਕਾ ਅਤੇ ਦੱਖਣੀ ਕੋਰੀਆ ਦੀਆਂ ਸਰਕਾਰਾਂ ਦੇ ਵਿਚਾਲੇ ਲੰਬੇ ਸਮੇਂ ਤੋਂ ਚਰਚਾ ਚੱਲ ਰਹੀ ਹੈ।
