ਆਕਲੈਂਡ(ਬਲਜਿੰਦਰ ਸਿੰਘ)ਪਿਛਲੇ ਮਹੀਨੇ ਨੇਪੀਅਰ ਦੇ ਪਤੇ ‘ਤੇ ਗੰਭੀਰ ਜ਼ਖਮੀ ਹੋਣ ਤੋਂ ਬਾਅਦ ਹਾਕਸ ਬੇ ਹਸਪਤਾਲ ਵਿੱਚ ਲਿਜਾਈ ਗਈ ਇਕ ਔਰਤ ਦੀ ਮੌਤ ਹੋ ਗਈ।ਡਿਟੈਕਟਿਵ ਸਾਰਜੈਂਟ ਡੈਰੇਨ ਪ੍ਰਿਚਰਡ ਨੇ ਕਿਹਾ ਕਿ 46 ਸਾਲਾ ਨੇਪੀਅਰ ਔਰਤ ਨੂੰ 20 ਫਰਵਰੀ ਨੂੰ ਗੰਭੀਰ ਸੱਟਾਂ ਨਾਲ ਸਥਾਨਕ ਮੈਡੀਕਲ ਸੈਂਟਰ ਲਿਜਾਇਆ ਗਿਆ ਸੀ ਬਾਅਦ ਵਿੱਚ ਉਸ ਨੂੰ ਵੈਲਿੰਗਟਨ ਹਸਪਤਾਲ ਵਿੱਚ ਤਬਦੀਲ ਕੀਤਾ ਗਿਆ ਪਰ ਉਸ ਤੋ ਪਹਿਲਾਂ ਔਰਤ ਦਾ ਸ਼ੁਰੂਆਤੀ ਤੌਰ ‘ਤੇ ਹਾਕਸ ਬੇਅ ਹਸਪਤਾਲ ਵਿੱਚ ਇਲਾਜ ਕੀਤਾ ਗਿਆ ਸੀ।ਹੁਣ ਸ਼ੁੱਕਰਵਾਰ ਨੂੰ ਉਸ ਦੀ ਮੌਤ ਹੋ ਗਈ। ਪ੍ਰਿਚਰਡ ਨੇ ਕਿਹਾ ਕਿ ਮੰਨਿਆ ਜਾਂਦਾ ਹੈ ਕਿ ਔਰਤ ਨੂੰ ਓਨੇਕਾਵਾ ਉਦਯੋਗਿਕ ਖੇਤਰ ਵਿੱਚ ਡਨਲੌਪ ਰੋਡ ਸਥਿਤ ਆਪਣੇ ਘਰ ਵਿੱਚ ਐਤਵਾਰ 19 ਅਤੇ ਸੋਮਵਾਰ 20 ਫਰਵਰੀ ਦੇ ਵਿਚਕਾਰ ਕਿਸੇ ਸਮੇਂ ਸੱਟਾਂ ਲੱਗੀਆਂ ਸਨ।ਉਹਨਾ ਕਿਹਾ ਕਿ ਔਰਤ ਦੀਆਂ ਸੱਟਾਂ ਲੱਗਣ ਦਾ ਕਾਰਨ ਦਾ ਫਿਲਹਾਲ ਕੋਈ ਪਤਾ ਨਹੀਂ ਲੱਗ ਸਕਿਆ ਹੈ ਅਤੇ ਪੁਲਿਸ ਇਹ ਪਤਾ ਲਗਾਉਣ ਲਈ ਕੰਮ ਕਰ ਰਹੀ ਹੈ।ਪੁਲਿਸ ਨੇ ਕਿਹਾ ਕਿ ਜੇ ਕਰ ਕਿਸੇ ਕੋਲ ਇਸ ਮਾਮਲੇ ਸਬੰਧੀ ਕਿਸੇ ਕੋਲ ਕੋਈ ਵੀ ਜਾਣਕਾਰੀ ਹੋਵੇ ਤਾ ਉਹ 105 ਫ਼ੋਨ ਸੇਵਾ ਰਾਹੀਂ ਜਾਂ https://www.police.govt.nz/use-105 ‘ਤੇ ਔਨਲਾਈਨ, ਅੱਪਡੇਟ ਮਾਈ ਰਿਪੋਰਟ ਦੀ ਵਰਤੋਂ ਕਰਕੇ ਸੰਪਰਕ ਕਰ ਸਕਦਾ ਹੈ।
