ਆਕਲੈਂਡ(ਬਲਜਿੰਦਰ ਸਿੰਘ)ਅੱਜ ਤੜਕੇ ਸਵੇਰੇ 3 ਵਜੇ ਦੇ ਕਰੀਬ, ਦੱਖਣੀ ਮੋਟਰਵੇਅ ਤੇ ਪਾਪਾਕੁਰਾ ਨਜ਼ਦੀਕ ਇੱਕ ਟਰੱਕ ਨੂੰ ਭਿਆਨਕ ਅੱਗ ਲੱਗ ਜਾਣ ਦੀ ਖਬਰ ਹੈ।ਦੱਸਿਆ ਜਾ ਰਿਹਾ ਹੈ ਕਿ ਇਹ ਅੱਗ ਕੈਮੀਕਲ ਨਾਲ ਲੱਦੇ ਹੋਏ ਟਰੱਕ ਨੂੰ ਲੱਗੀ ਹੈ ਅੱਗ ਐਨੀ ਭਿਆਨਕ ਸੀ ਕਿ ਅੱਗ ਦੀ ਲਪਟਾਂ ਲੰਘ ਰਹੀ ਬਿਜਲੀ ਦੀ ਇੱਕ ਉੱਚੀ ਲਾਇਨ ਨੂੰ ਵੀ ਪਾਰ ਕਰ ਰਹੀਆਂ ਸਨ।ਅੱਗ ਦੇ ਕਾਰਨ ਮੋਟਰਵੇਅ ਨਾਲ ਲੱਗਦੇ 30 ਤੋ ਵੱਧ ਘਰਾਂ ਨੂੰ ਐਮਰਜੈਂਸੀ ਖਾਲੀ ਕਰਵਾਇਆਂ ਗਿਆ।ਮੌਕੇ ਤੇ ਪਹੁੰਚੇ ਫਾਇਰ ਵਿਭਾਗ ਦੇ ਦਰਜਨ ਤੋ ਵੱਧ ਟਰੱਕਾਂ ਨੇ ਆਗੂ ਤੇ ਕਾਬੂ ਪਾਇਆ।ਅੱਗ ਲੱਗਣ ਕਾਰਨ ਪਾਪਾਕੁਰਾ ਤੋ ਟਾਕਾਨੀਨੀ ਤੱਕ ਦੋਵੇਂ ਪਾਸਿਆਂ ਤੋ ਮੋਟਰਵੇਅ ਨੂੰ ਬੰਦ ਕਰਨਾ ਪਿਆ ਜਿਸ ਕਾਰਨ ਅੱਜ ਸਵੇਰ ਰਾਹਗੀਰਾਂ ਨੂੰ ਭਾਰੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ।
