ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ)ਅਗਲੇ ਹਫਤੇ ਨਿਊਜੀਲੈਂਡ ਭਰ ਦੇ ਪ੍ਰਾਇਮਰੀ ਤੇ ਸੈਕੰਡਰੀ ਸਕੂਲਾਂ ਦੇ ਅਧਿਆਪਕ ਹੜਤਾਲ ਕਰਨ ਜਾ ਰਹੇ ਹਨ।ਕੁਲੈਕਟਿਵ ਐਗਰੀਮੈਂਟ ਤਹਿਤ ਮਿਲਣ ਵਾਲੇ ਤਨਖਾਹਾਂ ਦੇ ਵਾਧੇ ਤੇ ਹੋਰ ਭੱਤਿਆਂ ਤੋਂ ਨਾਖੁਸ਼ ਅਧਿਆਪਕਾਂ ਵੱਲੋਂ ਹੜਤਾਲ ਕਰਨ ਦਾ ਫੈਸਲਾ ਲਿਆ ਗਿਆ ਹੈ ਅਤੇ ਇਹ ਫੈਸਲਾ ਵੋਟਿੰਗ ਕਰਕੇ ਲਿਆ ਗਿਆ ਹੈ। ਇਹ ਹੜਤਾਲ ਵੀਰਵਾਰ ਨੂੰ ਕੀਤੀ ਜਾਏਗੀ ਤੇ ਉਸ ਦਿਨ ਪੀਪੀਟੀਏ ਅਤੇ ਨਿਊਜੀਲੈਂਡ ਐਜੁਕੇਸ਼ਨਲ ਇੰਸਟੀਚਿਊਟ ਦੇ ਸਾਰੇ ਅਧਿਆਪਕ ਨਿਊਜੀਲੈਂਡ ਭਰ ਵਿੱਚ ਸੜਕਾਂ ‘ਤੇ ਉੱਤਰਣਗੇ, ਰੋਸ ਮੁਜਾਹਰੇ ਕਰਨਗੇ ਤੇ ਰੈਲੀਆਂ ਕਰਨਗੇ। ਕਰੀਬ 50,000 ਅਧਿਆਪਕ ਵਰਗ ਦੇ ਕਰਮਚਾਰੀ ਇਸ ਹੜਤਾਲ ਵਿੱਚ ਹਿੱਸਾ ਲੈਣਗੇ।
