ਸਾਬਕਾ ਮੰਤਰੀ ਪੰਜਾਬ ਭਾਜਪਾ ਨੇਤਾ ਤੇ ਦਲਿਤਾਂ ਦੇ ਮਸੀਹਾ ਕਹੇ ਜਾਂਦੇ ਚੌਧਰੀ ਸਵਰਨਾ ਰਾਮ ਦਾ ਸ਼ਨਿਚਰਵਾਰ ਨੂੰ ਦੇਹਾਂਤ ਹੋ ਗਿਆ ਸੀ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਚੌਧਰੀ ਮੋਹਣ ਲਾਲ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਚੌਧਰੀ ਸਵਰਨਾ ਰਾਮ ਦੇ ਅੰਤਿਮ ਦਰਸ਼ਨ 3 ਅਪ੍ਰੈਲ 2023 ਸੋਮਵਾਰ ਨੂੰ 11 ਤੋਂ 1 ਵਜੇ ਤੱਕ ਨਿਵਾਸ ਅਸਥਾਨ ਰਾਜਾ ਗਾਰਡਨ ਕਾਲੋਨੀ, ਫਗਵਾੜਾ ਵਿਖੇ ਹੋਣਗੇ। ਉਪਰੰਤ ਉਨ੍ਹਾਂ ਦਾ ਸੰਸਕਾਰ 1 ਵਜੇ ਬਾਅਦ ਦੁਪਹਿਰ ਸ਼ਮਸ਼ਾਨਘਾਟ ਦੁੱਗਲਾ, ਹਦੀਆਬਾਦ ਫਗਵਾੜਾ ਵਿਖੇ ਕੀਤਾ ਜਾਵੇਗਾ।
