ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ) ਪੂਰਬੀ ਆਕਲੈਂਡ ਵਿੱਚ 12 ਤੋਂ 13 ਸਾਲ ਦੀ ਉਮਰ ਦੇ ਛੇ ਨੌਜਵਾਨਾਂ ਦੇ ਇੱਕ ਗਰੁੱਪ ਨੂੰ ਬੀਤੀ ਰਾਤ ਵਾਹਨਾਂ ਦੀ ਤੋੜ-ਭੰਨ ਕਰਨ ਦੇ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ।ਪੁਲਿਸ ਨੇ ਦੱਸਿਆ ਕਿ ਇਸ ਗਰੁੱਪ ਨੂੰ ਸਨੀਹਿਲਜ਼ ਵਿੱਚ ਤੜਕੇ ਸਵੇਰੇ 3.45 ਵਜੇ ਦੇਖਿਆ ਗਿਆ ਸੀ,ਅਤੇ ਈਗਲ ਹੈਲੀਕਾਪਟਰ ਦੀ ਮਦਦ ਨਾਲ ਇਹਨਾਂ ਵਿੱਚੋਂ 5 ਜਣਿਆ ਨੂੰ ਓਟਾਰਾ ਅਤੇ ਇੱਕ ਨੂੰ ਐਲਰਸਲੀ-ਪਨਮੂਰੇ ਹਾਈਵੇਅ ‘ਤੇ ਹਿਰਾਸਤ ਵਿਚ ਲੈ ਲਿਆ ਗਿਆ।ਸਾਰੇ ਛੇ ਕਥਿਤ ਅਪਰਾਧੀਆਂ, ਜਿਨ੍ਹਾਂ ਦੀ ਉਮਰ 12 ਅਤੇ 13 ਦੇ ਵਿਚਕਾਰ ਹੈ, ਅਤੇ ਇਹਨਾਂ ਨੂੰ ਯੂਥ ਏਡ ਲਈ ਭੇਜਿਆ ਜਾਵੇਗਾ।
