ਅਮਰੀਕਾ ‘ਚ ਗੈਸ ਸਟੇਸ਼ਨ ‘ਤੇ ਕੰਮ ਕਰਨ ਵਾਲਾ ਇਕ ਗੁਜਰਾਤੀ ਨੀਰਵ ਪਟੇਲ ਗੰਭੀਰ ਦੋਸ਼ਾਂ ‘ ਹੇਠ ਗ੍ਰਿਫਤਾਰ

ਬੀਤੇਂ ਦਿਨ ਅਮਰੀਕਾ ਦੇ ਪੈਨਸਿਲਵੇਨੀਆ ਸੂਬੇ ਦੇ ਇਕ ਗੈਸ ਸਟੇਸ਼ਨ ‘ਤੇ ਕੰਮ ਕਰਨ ਵਾਲੇ ਨੀਰਵ ਪਟੇਲ ਨਾਂ ਦੇ 33 ਸਾਲਾ ਗੁਜਰਾਤੀ ਵਿਅਕਤੀ ਨੂੰ ਪੁਲਿਸ ਨੇ ਗ੍ਰਿਫਤਾਰ ਕਰ ਕੇ ਜੇਲ੍ਹ  ਭੇਜ ਦਿੱਤਾ ਹੈ। ਨੀਰਵ ਪਟੇਲ ‘ਤੇ ਦੋਸ਼ ਹੈ ਕਿ ਉਹ ਨਾਬਾਲਗ ਲੜਕੀਆਂ ਨੂੰ ਸ਼ਰਾਬ ਅਤੇ ਈ-ਸਿਗਰੇਟ ਦਾ ਲਾਲਚ ਦੇ ਕੇ ਉਨ੍ਹਾਂ ਨਾਲ ਨਾਜਾਇਜ਼ ਮੰਗਾਂ ਕਰਦਾ ਸੀ। ਪੁਲਿਸ ਨੇ ਦੱਸਿਆ ਕਿ ਨੀਰਵ ਪਟੇਲ ਨੂੰ ਫਿਲਹਾਲ ਕਲੀਅਰਫੀਲਡ ਕਾਉਂਟੀ ਜੇਲ੍ਹ ਵਿੱਚ ਰੱਖਿਆ ਗਿਆ ਹੈ। ਦੋਸ਼ੀ  ਲੈਕਮਿੰਗ ਕਾਉਂਟੀ, ਪੈਨਸਿਲਵੇਨੀਆ ਵਿੱਚ ਰਹਿੰਦਾ ਹੈ। ਇਕ ਲੜਕੀ, ਜਿਸ ਨਾਲ ਨੀਰਵ ਪਟੇਲ ‘ਤੇ ਨਾਜਾਇਜ਼ ਮੰਗਾਂ ਕਰਨ ਦਾ ਦੋਸ਼ ਹੈ, ਉਸ ਨੇ ਪੁਲਿਸ ਨੂੰ ਦੱਸਿਆ ਕਿ ਨੀਰਵ ਉਸ ਨੂੰ ਅਤੇ ਇਕ ਹੋਰ ਲੜਕੀ ਨੂੰ ਇਕ ਅਪ੍ਰੈਲ 2024 ਨੂੰ ਕਾਲੇ ਰੰਗ ਦੀ ਵੈਨ ਵਿੱਚ ਲੈ ਗਿਆ। ਲੜਕੀ ਦਾ ਇਹ ਵੀ ਦਾਅਵਾ ਹੈ ਕਿ ਨੀਰਵ ਪਟੇਲ ਨੇ ਉਨ੍ਹਾਂ ਦੋਵਾਂ ਨੂੰ ਇਕ ਸਟੋਰ ‘ਤੇ ਲੈ ਗਿਆ ਜਿੱਥੇ ਉਸ ਨੇ ਉਨ੍ਹਾਂ ਲਈ ਸ਼ਰਾਬ ਖਰੀਦੀ ਅਤੇ ਫਿਰ ਨੀਰਵ ਦੋਵਾਂ ਲੜਕੀਆਂ ਨੂੰ ਇਕ ਸੁੰਨਸਾਨ ਜਗ੍ਹਾ ‘ਤੇ ਲੈ ਗਿਆ। ਨੀਰਵ ਪਟੇਲ ਦੇ ਖਿਲਾਫ ਦਰਜ ਕਰਵਾਈ ਗਈ ਸ਼ਿਕਾਇਤ ਦੇ ਅਨੁਸਾਰ, ਉਸ ਨੇ ਵੈਨ ਵਿੱਚ ਬੈਠੀਆਂ ਦੋ ਲੜਕੀਆਂ ਤੋਂ ਅਸ਼ਲੀਲ ਮੰਗਾਂ ਕੀਤੀਆਂ, ਪਰ ਇੱਕ ਲੜਕੀ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਹਾਲਾਂਕਿ ਉਸ ਸਮੇਂ ਨੀਰਵ ਪਟੇਲ  ਨੇ ਆਪਣੀ ਵੈਨ ਦੇ ਪਿੱਛੇ ਇਕ ਹੋਰ ਲੜਕੀ ਨਾਲ ਇਹ ਗੰਦਾ ਕੰਮ ਕੀਤਾ ਅਤੇ ਪੁਲਸ ਨੂੰ ਸੂਚਨਾ ਦੇਣ ਵਾਲੀ ਲੜਕੀ ਵੈਨ ਦੇ ਅੱਗੇ ਖੜ੍ਹੀ ਸੀ। ਲੜਕੀ ਨੇ ਇਹ ਵੀ ਦਾਅਵਾ ਕੀਤਾ ਹੈ ਕਿ ਇਸ ਤੋਂ ਪਹਿਲਾਂ ਨੀਰਵ ਪਟੇਲ ਨੇ ਵੀ ਉਸ ਨਾਲ ਅਜਿਹਾ ਹੀ ਕੀਤਾ ਸੀ।ਨੀਰਵ ਪਟੇਲ ਦੇ ਖਿਲਾਫ ਸ਼ਿਕਾਇਤ ਮਿਲਣ ਤੋਂ ਬਾਅਦ, ਪੁਲਿਸ ਨੇ ਉਸ ਸਟੋਰ ਦੇ ਸੀਸੀਟੀਵੀ ਫੁਟੇਜ ਦੀ ਜਾਂਚ ਕੀਤੀ ਜਿਸ ਵਿੱਚ ਉਹ ਦੋ ਲੜਕੀਆਂ ਦੇ ਨਾਲ ਗਿਆ ਸੀ ਜਿਸ ਵਿੱਚ ਉਹ ਸਟੋਰ ਵਿੱਚ ਦਾਖਲ ਹੁੰਦਾ ਹੈ।ਅਤੇ ਦੋ ਅਲਕੋਹਲ ਡਰਿੰਕਸ ਖਰੀਦ ਕੇ ਬਾਹਰ ਨਿਕਲਦਾ ਦੇਖਿਆ ਗਿਆ ਸੀ। ਜਦੋਂ 12 ਅਪ੍ਰੈਲ ਨੂੰ ਨਿਰਵਾਣਾ ਪੁਲਸ ਨੇ ਉਸ ਤੋਂ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਆਪਣੀ ਹਰਕਤ ਪੁਲਿਸ ਕੋਲ  ਕਬੂਲ ਕਰ ਲਈ। ਪੁਲਿਸ ਨੇ ਫਿਰ ਇੱਕ ਹੋਰ ਲੜਕੀ ਨਾਲ ਗੱਲ ਕੀਤੀ, ਜਿਸ ਨੇ ਦਸੰਬਰ 2023 ਵਿੱਚ ਨੀਰਵ ਪਟੇਲ ਦੁਆਰਾ ਕੀਤੇ ਗਏ ਇੱਕ ਹੋਰ ਅਪਰਾਧ ਬਾਰੇ ਵੀ ਜਾਣਕਾਰੀ ਦਿੱਤੀ।ਨੀਰਵ ਪਟੇਲ ਨੂੰ ਪੁਲਿਸ ਵੱਲੋ ਗ੍ਰਿਫਤਾਰ ਕਰ ਲਿਆ ਗਿਆ ਸੀ ਅਤੇ ਉਸਦੇ ਖਿਲਾਫ ਲਗਾਏ ਗਏ ਗੰਭੀਰ ਦੋਸ਼ਾਂ ਵਿੱਚ ਉਸਦੀ ਸ਼ਮੂਲੀਅਤ ਦੇ ਠੋਸ ਸਬੂਤ ਮਿਲਣ ਤੋਂ ਬਾਅਦ ਉਸਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਸੀ। ਨੀਰਵ ਇਸ ਸਮੇਂ ਕੁੱਲ 11 ਸੰਗੀਨ ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਕਲੀਅਰਫੀਲਡ ਕਾਉਂਟੀ ਜੇਲ੍ਹ ਵਿੱਚ ਨਜਰ ਬੰਦ ਹੈ। ਅਦਾਲਤ ਵੱਲੋਂ ਨੀਰਵ ਪਟੇਲ ‘ਤੇ ਢਾਈ ਲੱਖ ਡਾਲਰ ਦਾ ਬਾਂਡ ਪਾਇਆ ਗਿਆ ਹੈ। ਪੈਨਸਿਲਵੇਨੀਆ ਦੇ ਕਾਨੂੰਨ ਮੁਤਾਬਕ ਨੀਰਵ ਪਟੇਲ ਨੂੰ ਦੋਸ਼ੀ ਠਹਿਰਾਏ ਜਾਣ ‘ਤੇ 20 ਸਾਲ ਤੱਕ ਦੀ ਕੈਦ ਅਤੇ ਭਾਰੀ ਜੁਰਮਾਨਾ ਹੋ ਸਕਦਾ ਹੈ।ਅਤੇ ਅਜਿਹੇ ਮਾਮਲਿਆਂ ‘ਚ ਦੋਸ਼ੀ ਨੂੰ ਜੇਲ ਦੀ ਮਿਆਦ ਪੂਰੀ ਹੋਣ ਤੋਂ ਬਾਅਦ ਵੀ ਨਿਗਰਾਨੀ ‘ਚ ਰੱਖਿਆ ਜਾਂਦਾ ਹੈ, ਜਿਸ ‘ਚ ਉਸ ਨੂੰ ਆਪਣਾ ਇਲਾਕਾ ਛੱਡਣ ਤੋਂ ਪਹਿਲਾਂ ਥਾਣੇ ‘ਚ ਨਿਯਮਿਤ ਆਪਣੀ  ਹਾਜ਼ਰੀ ਲਗਵਾਉਣੀ ਪੈਂਦੀ ਹੈ। ਅਤੇ ਪੁਲਸ ਤੋਂ ਇਜਾਜ਼ਤ ਲੈਣੀ ਪੈਂਦੀ ਹੈ। ਇਸ ਮਾਮਲੇ ‘ਚ ਦੋਸ਼ੀ ਨੀਰਵ ਪਟੇਲ ਦੀ ਇਮੀਗ੍ਰੇਸ਼ਨ ਸਥਿਤੀ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲ ਸਕੀ ਪਰ ਜੇਕਰ ਕੋਈ ਗ੍ਰੀਨ ਕਾਰਡ ਧਾਰਕ ਵੀ ਅਜਿਹੇ ਅਪਰਾਧ ਦਾ ਦੋਸ਼ੀ ਪਾਇਆ ਜਾਂਦਾ ਹੈ ਤਾਂ ਉਸ ਨੂੰ ਅਮਰੀਕੀ ਕਾਨੂੰਨ ਦੇ ਮੁਤਾਬਕ ਅਮਰੀਕਾ ਤੋ  ਡਿਪੋਰਟ ਕਰ ਦਿੱਤਾ ਜਾਂਦਾ ਹੈ।