ਆਕਲੈਂਡ (ਬਲਜਿੰਦਰ ਸਿੰਘ) ਅੱਜ ਸਵੇਰੇ ਆਕਲੈਂਡ ਦੇ ਸਭ ਤੋਂ ਵਿਅਸਤ ਸ਼ਾਪਿੰਗ ਸੈਂਟਰਾਂ ਵਿੱਚੋਂ ਇੱਕ ‘ਤੇ ਕੈਸ਼-ਇਨ-ਟ੍ਰਾਂਜ਼ਿਟ ਵੈਨ ਦੀ ਲੁੱਟ ਦੌਰਾਨ ਸੁਰੱਖਿਆ ਕਰਮਚਾਰੀਆਂ ਨੂੰ ਹਥਿਆਰਾਂ ਨਾਲ ਧਮਕੀ ਦਿੱਤੀ ਗਈ।ਡਿਟੈਕਟਿਵ ਸੀਨੀਅਰ ਸਾਰਜੈਂਟ ਮਾਰਟਿਨ ਫ੍ਰੈਂਡ ਨੇ ਕਿਹਾ ਕਿ ਦੋ ਲੋਕ, ਜਿਨ੍ਹਾਂ ਵਿੱਚੋਂ ਇੱਕ ਕੋਲ ਹਥਿਆਰ ਵੀ ਦੱਸੇ ਜਾ ਰਹੇ ਹਨ ਸਵੇਰੇ 7.15ਵਜੇ ਦੇ ਕਰੀਬ ਸਿਲਵੀਆ ਪਾਰਕ ਵਿਖੇ ਇੱਕ ਕਾਰਪਾਰਕ ਇਮਾਰਤ ਵਿੱਚ ਸੁਰੱਖਿਆ ਕਰਮਚਾਰੀਆਂ ਕੋਲ ਪਹੁੰਚੇ ਅਤੇ ਸੁਰੱਖਿਆ ਕਰਮਚਾਰੀਆਂ ਤੋਂ ਅਣ-ਪੁਸ਼ਟੀ ਕੀਤੀ ਗਈ ਨਕਦੀ ਖੋਹ ਲਈ ਹੈ ਅਤੇ ਇੱਕ ਵਾਹਨ ਵਿੱਚ ਮੌਕੇ ਤੋਂ ਭੱਜ ਗਏ ਹਨ।ਪੁਲਿਸ ਨੇ ਕਿਹਾ ਕਿ ਥੋੜ੍ਹੀ ਦੇਰ ਬਾਅਦ ਹੀ ਪੁਲਿਸ ਈਗਲ ਹੈਲੀਕਾਪਟਰ ਅਤੇ ਹੋਰ ਪੁਲਿਸ ਸਟਾਫ ਨੂੰ ਮਾਊਂਟ ਵੈਲਿੰਗਟਨ ਵਿੱਚ ਤਾਇਨਾਤ ਕੀਤਾ ਗਿਆ ਜਿਹਨਾਂ ਵੱਲੋਂ ਉਸ ਵਾਹਨ ਨੂੰ ਕਮਿਸਰੀਅਟ ਰੋਡ ਅੱਗ ਲੱਗੇ ਹੋਏ ਵੇਖਿਆ ਗਿਆ।ਪੁਲਿਸ ਵੱਲੋਂ ਅਪਰਾਧੀਆਂ ਦਾ ਪਤਾ ਲਗਾਉਣ ਲਈ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
Add Comment