ਉੱਤਰੀ ਇਰਾਕ ’ਚ ਇਕ ਗੁਫਾ ’ਚ ਤਲਾਸ਼ੀ ਅਭਿਆਨ ਦੌਰਾਨ ਮੀਥੇਨ ਗੈਸ ਦੇ ਸੰਪਰਕ ’ਚ ਆਉਣ ਨਾਲ 12 ਤੁਰਕੀਏ ਫ਼ੌਜੀਆਂ ਦੀ ਮੌਤ ਹੋ ਗਈ। ਮੰਤਰਾਲੇ ਨੇ ਸੋਮਵਾਰ ਨੂੰ ਕਿਹਾ ਕਿ ਇਹ ਘਟਨਾ ਐਤਵਾਰ ਨੂੰ ਪਾਬੰਦੀਸ਼ੁਦਾ ਕੁਰਦਿਸਤਾਨ ਵਰਕਰਸ ਪਾਰਟੀ (ਪੀਕੇਕੇ) ਦੇ ਖਿਲਾਫ਼ ਫ਼ੌਜੀ ਕਾਰਵਾਈ ਦੌਰਾਨ ਮਾਰੇ ਗਏ ਇਕ ਤੁਰਕੀਏ ਫ਼ੌਜੀ ਦਾ ਪਤਾ ਲਗਾਉਣ ਦੇ ਮਿਸ਼ਨ ਦੌਰਾਨ ਹੋਈ।ਗੁਫਾ ’ਚ ਗੈਸ ਦੇ ਸੰਪਰਕ ’ਚ ਆਏ ਫ਼ੌਜੀਆਂ ਨੂੰ ਵੀ ਇਲਾਜ ਲਈ ਹਸਪਤਾਲ ਲਿਜਾਂਦਾ ਗਿਆ ਹੈ। ਮੰਤਰਾਲੇ ਨੇ ਕਿਹਾ ਕਿ ਪ੍ਰਭਾਵਿਤ ਫ਼ੌਜੀਆਂ ਦੇ ਛੇਤੀ ਸਿਹਤਯਾਬ ਹੋਣ ਦੀ ਕਾਮਨਾ ਕਰਦੇ ਹਾਂ। ਇਹ ਘਟਨਾ ਕਲ-ਲਾਕ ਆਪ੍ਰੇਸ਼ਨ ਖੇਤਰ ’ਚ ਹੋਈ ਸੀ। ਇਹ ਅਪ੍ਰੈਲ 2022 ’ਚ ਉੱਤਰੀ ਇਰਾਕ ’ਚ ਕੁਰਦਿਸਤਾਨ ਵਰਕਰਸ ਪਾਰਟੀ ਦੇ ਖਿਲਾਫ਼ ਸ਼ੁਰੂ ਕੀਤੇ ਗਏ ਆਪ੍ਰੇਸ਼ਨ ਦਾ ਸੰਦਰਭ ਹੈ। ਤੁਰਕੀਏ ਨੇ ਉੱਤਰੀ ਇਰਾਕ ’ਚ ਕਈ ਟਿਕਾਣੇ ਸਥਾਪਤ ਕੀਤੇ ਹਨ ਜਿੱਥੇ ਪੀਕੇਕੇ ਦਹਾਕਿਆਂ ’ਚ ਮੌਜੂਦ ਹੈ। ਪੀਕੇਕੇ ਨੂੰ ਤੁਰਕੀਏ ਤੇ ਜ਼ਿਆਦਾਤਰ ਪੱਛਮੀ ਦੇਸ਼ ਅੱਤਵਾਦੀ ਸੰਗਠਨ ਮੰਨਦੇ ਹਨ। ਉਸਨੇ ਮਈ ’ਚ ਐਲਾਨ ਕੀਤਾ ਸੀ ਕਿ ਉਹ ਤੁਰਕੀਏ ਦੇ ਨਾਲ ਨਵੀਂ ਸ਼ਾਂਤੀ ਪਹਿਲ ਦੇ ਤਹਿਤ ਆਰਮਡ ਸੰਘਰਸ਼ ਨੂੰ ਤਿਆਗ ਦੇਵੇਗਾ। ਉਮੀਦ ਹੈ ਕਿ ਇਸਦੇ ਲੜਾਕੇ ਅਗਲੇ ਕੁਝ ਦਿਨਾਂ ’ਚ ਆਪਣੇ ਹਥਿਆਰ ਸੌਂਪਣਾ ਸ਼ੁਰੂ ਕਰ ਦੇਣਗੇ, ਜਿਹੜਾ ਨਿਰਸਤਰੀਕਰਨ ਲਈ ਪਹਿਲਾ ਠੋਸ ਕਦਮ ਹੋਵੇਗਾ।
