ਆਕਲੈਂਡ(ਰੰਧਾਵਾ) ਪਾਪਾਟੋਏਟੋਏ ‘ਚ ਸੋਮਵਾਰ ਤੜਕੇ ਸਵੇਰੇ ਇੱਕ ਸਮੂਹ ਵੱਲੋਂ ਚੋਰੀ ਦੀਂ ਨੀਅਤ ਨਾਲ ਕੁੱਝ ਵਾਹਨਾਂ ਨਾਲ ਛੇੜਛਾੜ ਕਰਦੇ ਵੇਖੇ ਜਾਣ ਤੇ ਪੁਲਿਸ ਨੂੰ ਇੱਕ ਵਿਅਕਤੀ ਵੱਲੋਂ ਇਤਲਾਹ ਕੀਤਾ ਗਿਆ ਜਿਸ ਤੋਂ ਬਾਅਦ ਪੁਲਿਸ ਵੱਲੋਂ ਜਲਦ ਕਾਰਵਾਈ ਕਰਦੇ ਹੋਏ ਕਈ ਜਣਿਆਂ ਨੂੰ ਕਾਬੂ ਕੀਤਾ ਹੈ।ਕਾਉਂਟੀਜ਼ ਮੈਨੂਕਾਊ ਵੈਸਟ ਏਰੀਆ ਪ੍ਰੀਵੈਂਸ਼ਨ ਮੈਨੇਜਰ, ਇੰਸਪੈਕਟਰ ਮੁਹੰਮਦ ਅਤਿਕ ਦਾ ਕਹਿਣਾ ਹੈ ਕਿ ਪੁਲਿਸ ਕੁਝ ਮਿੰਟਾਂ ਦੇ ਅੰਦਰ ਪਹੁੰਚੀ ਅਤੇ ਦੋ ਵਾਹਨ ਦੇਖੇ ਜਿਨ੍ਹਾਂ ਨਾਲ ਛੇੜਛਾੜ ਕੀਤੀ ਗਈ ਸੀ।ਇੱਕ ਪੁਲਿਸ ਕੈਮਰਾ ਆਪਰੇਟਰ ਨੇ ਲੋਕਾਂ ਦੇ ਇੱਕ ਸਮੂਹ ਨੂੰ ਨੇੜੇ ਖੜ੍ਹੀਆਂ ਦੋ ਗੱਡੀਆਂ ਵਿੱਚ ਸਵਾਰ ਹੁੰਦੇ ਦੇਖਿਆ ਹੈ।ਪੁਲਿਸ ਈਗਲ ਹੈਲੀਕਾਪਟਰ ਨੇ ਫਿਰ ਕੈਂਬਰਨ ਰੋਡ ‘ਤੇ ਇੱਕ ਪਤੇ ਦੇ ਬਾਹਰ ਉਹੀ ਦੋ ਗੱਡੀਆਂ ਲੱਭੀਆਂ ਹਨ।ਇੰਸਪੈਕਟਰ ਅਤੀਕ ਕਹਿੰਦਾ ਹੈ ਕਿ ਪੁਲਿਸ ਡੌਗ ਯੂਨਿਟ ਨੇ ਪੰਜ ਲੋਕਾਂ ਨੂੰ ਟਰੈਕ ਕੀਤਾ ਅਤੇ ਲੱਭਿਆ, ਜਿਨ੍ਹਾਂ ਸਾਰਿਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਗਿਆ।ਇੱਕ 18 ਸਾਲਾ ਵਿਅਕਤੀ 5 ਅਕਤੂਬਰ ਨੂੰ ਵੈਟਾਕੇਰੇ ਜ਼ਿਲ੍ਹਾ ਅਦਾਲਤ ਵਿੱਚ ਗੈਰ-ਕਾਨੂੰਨੀ ਤੌਰ ‘ਤੇ ਮੋਟਰ ਵਾਹਨ ਵਿੱਚ ਸਵਾਰ ਹੋਣ ਦੇ ਦੋਸ਼ ਵਿੱਚ ਪੇਸ਼ ਹੋਵੇਗਾ।13-17 ਸਾਲ ਦੀ ਉਮਰ ਦੇ ਚਾਰ ਹੋਰ ਲੋਕਾਂ ਨੂੰ ਯੂਥ ਏਡ ਸਰਵਿਸਿਜ਼ ਕੋਲ ਭੇਜਿਆ ਗਿਆ ਹੈ।
