ਨਵੀਂ ਦਿੱਲੀ: ਮੋਹਨ ਭਾਗਵਤ ਤੇ ਓਵੈਸੀ ਆਮੋ-ਸਾਹਮਣੇ ਹੋ ਗਏ ਹਨ। ਜਿਥੇ ਰਾਸ਼ਟਰੀ ਸਵੈਮ ਸੇਵਕ ਸੰਘ (RSS) ਦੇ ਪ੍ਰਮੁੱਖ ਮੋਹਨ ਭਾਗਵਤ ਨੇ ਕਿਹਾ ਹੈ ਕਿ ਸਾਰੇ ਭਾਰਤੀਆਂ ਦਾ ਡੀਐਨਏ ਇੱਕ ਹੈ ਤੇ ਮੁਸਲਮਾਨਾਂ ਨੂੰ “ਡਰ ਕੇ ਇਸ ਚਕ੍ਰ ਵਿੱਚ” ਨਹੀਂ ਫੱਸਣ ਚਾਹੀਦਾ ਕਿ ਭਾਰਤ ‘ਚ ਇਸਲਾਮ ਖ਼ਤਰੇ ਵਿੱਚ ਹੈ।
ਉਨ੍ਹਾਂ ਨੇ ਇਹ ਵੀ ਕਿਹਾ ਹੈ ਕਿ ਜੋ ਲੋਕ ਮੁਸਲਮਾਨਾਂ ਨੂੰ ਦੇਸ਼ ਛੱਡਣ ਲਈ ਕਹਿੰਦੇ ਹਨ, ਉਹ ਖੁਦ ਨੂੰ ਹਿੰਦੂ ਨਹੀਂ ਕਹਿ ਸਕਦੇ।ਮੋਹਨ ਭਾਗਵਤ ਦੇ ਇਸ ਮਗਰੋਂ ਆਲ ਇੰਡੀਆ ਮਜਲਿਸ-ਏ-ਇਤਹਾਦੁਲ ਮੁਸਲੀਮੀਨ (AIMIM) ਦੇ ਮੁਖੀ ਅਸਦੁਦੀਨ ਓਵੈਸੀ ਨੇ ਇਸ ਤੇ ਪਲਟਵਾਰ ਕਰਦੇ ਹੋਏ ਜਵਾਬ ਦਿੱਤਾ ਹੈ। ਓਵੈਸੀ ਨੇ ਕਿਹਾ ਹੈ ਕਿ ਦੇਸ਼ ਵਿੱਚ ਇਹ ਨਫ਼ਰਤ ਹਿੰਦੂਤਵ ਦੀ ਹੀ ਦੇਣ ਹੈ।
ਮੋਹਨ ਭਾਗਵਤ ਨੇ ਕਿਹਾ ਸੀ, “ਹਿੰਦੂ-ਮੁਸਲਿਮ ਏਕਤਾ ਦੀ ਗੱਲ ਗੁੰਮਰਾਹ ਕਰਨ ਵਾਲੀ ਹੈ ਕਿਉਂਕਿ ਉਹ ਵੱਖਰੀ ਨਹੀਂ ਬਲਕਿ ਇਕ ਹੈ। ਸਾਰੇ ਭਾਰਤੀਆਂ ਦਾ ਡੀਐਨਏ ਇਕ ਧਰਮ ਹੈ, ਚਾਹੇ ਇੱਕ ਹੋਵੇ। ”ਆਰਐਸਐਸ ਮੁਖੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਏਕਤਾ ਦਾ ਅਧਾਰ ਰਾਸ਼ਟਰਵਾਦ ਤੇ ਪੁਰਖਿਆਂ ਦਾ ਮਾਣ ਹੋਣਾ ਚਾਹੀਦਾ ਹੈ। ਹਿੰਦੂ-ਮੁਸਲਿਮ ਟਕਰਾਅ ਦਾ ਇੱਕੋ-ਇੱਕ ਹੱਲ ਹੈ ‘ਸੰਵਾਦ’, ਨਾ ਕਿ ‘ਵਿਸੰਵਾਦ’।
ਓਵੈਸੀ ਨੇ ਇੱਕ ਤੋਂ ਬਾਅਦ ਇੱਕ ਟਵੀਟ ਕੀਤੇ ਅਤੇ ਕਿਹਾ, “RSS ਦੇ ਭਾਗਵਤ ਨੇ ਕਿਹਾ ਕਿ ਲਿੰਚਿੰਗ ਕਰਨ ਵਾਲੇ ਹਿੰਦੂਤਵ ਵਿਰੋਧੀ ਹਨ। ਇਨ੍ਹਾਂ ਅਪਰਾਧੀ ਨੂੰ ਗਾਂ ਤੇ ਮੱਝ ਵਿਚਕਾਰ ਫ਼ਰਕ ਨਹੀਂ ਪਤਾ ਹੋਏਗਾ, ਪਰ ਜੁਨੈਦ, ਅਖਲਾਕ, ਪਹਿਲੂ, ਰਕਬਰ, ਅਲੀਮੂਦੀਨ ਦੇ ਨਾਂ ਉਨ੍ਹਾਂ ਨੂੰ ਮਾਰਨ ਲਈ ਕਾਫ਼ੀ ਸਨ। ਇਹ ਨਫ਼ਰਤ ਹਿੰਦੂਤਵ ਦੀ ਦੇਣ ਹੈ, ਇਨ੍ਹਾਂ ਅਪਰਾਧੀਆਂ ਨੂੰ ਹਿੰਦੂਤਵ ਸਰਕਾਰ ਦੀ ਪੁਸ਼ਤ ਪਨਾਹੀ ਹੈ।”
