ਔਟਵਾ,ਕੈਨੇਡਾ : ਕੈਨੇਡਾ ਦੀ ਜਗਮੀਤ ਸਿੰਘ ਦੀ ਅਗਵਾਈ ਹੇਠ ਨੈਸ਼ਨਲ ਡੈਮੋਕ੍ਰੇਟਿਕ ਪਾਰਟੀ (NDP) ਨੇ ਭਾਰਤ ਚ ਸਤੰਬਰ 2023 ਵਿੱਚ ਹੋਣ ਜਾ ਰਹੇ ਜੀ-20 ਸਮਾਗਮਾ ਦਾ ਬਾਈਕਾਟ ਕਰਨ ਲਈ ਕੈਨੇਡੀਅਨ ਸਰਕਾਰ ਨੂੰ ਅਪੀਲ ਕੀਤੀ ਹੈ। ਐਨਡੀਪੀ ਵਲੋਂ ਇਹ ਬਿਆਨ ਵਿਦੇਸ਼ ਮਾਮਲਿਆਂ ਦੇ ਅਲੋਚਕ ਹੈਦਰ ਮੈਕਰਫਰਸਨ ਅਤੇ ਬਲੈਕ ਡੇਜਾਲਿਏ ਨੇ ਔਟਵਾ ਵਿੱਚ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਦਿੱਤਾ ਹੈ, ਐਨਡੀਪੀ ਨੇ ਬਾਈਕਾਟ ਦਾ ਕਾਰਨ ਭਾਰਤ ਚ ਘੱਟ- ਗਿਣਤੀਆਂ, ਸਮਾਜਿਕ ਅਤੇ ਵਿਰੋਧੀ ਕਾਰਕੁੰਨਾ ਨਾਲ ਧੱਕੇ ਅਤੇ ਆਦਿਵਾਸੀਆਂ ਦੇ ਹੋ ਰਹੇ ਉਜਾੜੇ ਨੂੰ ਦੱਸਿਆ ਹੈ। ਇਸ ਮੌਕੇ ਵਰਲਡ ਸਿੱਖ ਆਰਗਨਾਈਜ਼ੇਸ਼ਨ ਅਤੇ ਮੁਸਲਿਮ ਧਰਮ ਨਾਲ ਸਬੰਧਤ ਨੁਮਾਇੰਦੇ ਵੀ ਮੌਜੂਦ ਸਨ।
