ਨਹੁੰਆਂ ਨੂੰ ਮੂੰਹ ਨਾਲ ਕੱਟਣ ਨਾਲ ਪੈਰੋਨੀਚੀਆ (Paronychia) ਦਾ ਖਤਰਾ ਹੋ ਸਕਦਾ ਹੈ। ਇਹ ਇੱਕ ਅਜਿਹਾ ਇਨਫੈਕਸ਼ਨ ਹੈ ਜੋ ਉਦੋਂ ਵਿਕਸਤ ਹੁੰਦਾ ਹੈ ਜਦੋਂ ਬੈਕਟੀਰੀਆ ਛਿੱਲੀ ਹੋਈ ਸਕਿਨ ਅਤੇ ਨਹੁੰਆਂ ਰਾਹੀਂ ਦਾਖਲ ਹੁੰਦੇ ਹਨ।
ਜੇਕਰ ਤੁਸੀਂ ਵੀ ਨੇਲ ਕਟਰ ਦੀ ਬਜਾਏ ਆਪਣੇ ਮੂੰਹ ਨਾਲ ਨਹੁੰ ਕੱਟਦੇ ਹੋ ਤਾਂ ਸਾਵਧਾਨ ਹੋ ਜਾਓ, ਕਿਉਂਕਿ ਅਜਿਹਾ ਕਰਨ ਨਾਲ ਤੁਸੀਂ ਕਿਸੇ ਗੰਭੀਰ ਸਮੱਸਿਆ ਨੂੰ ਸੱਦਾ ਦੇ ਰਹੇ ਹੋ। ਮੂੰਹ ਨਾਲ ਨਹੁੰ ਚਬਾਉਣ ਦੀ ਆਦਤ ਬਹੁਤ ਹੀ ਹਾਨੀਕਾਰਕ ਹੈ। ਡਾਕਟਰਾਂ ਮੁਤਾਬਕ ਮੂੰਹ ਨਾਲ ਨਹੁੰ ਕੱਟਣ ਨਾਲ ਪੈਰੋਨਾਈਚੀਆ ਦਾ ਇਨਫੈਕਸ਼ਨ ਹੋ ਸਕਦਾ ਹੈ। ਇਹ ਇੱਕ ਅਜਿਹਾ ਇਨਫੈਕਸ਼ਨ ਹੈ ਜੋ ਉਦੋਂ ਵਿਕਸਤ ਹੁੰਦਾ ਹੈ ਜਦੋਂ ਬੈਕਟੀਰੀਆ ਛਿੱਲੀ ਹੋਈ ਸਕਿਨ ਅਤੇ ਨਹੁੰਆਂ ਰਾਹੀਂ ਦਾਖਲ ਹੁੰਦੇ ਹਨ।
ਡਾਕਟਰ ਦੱਸਦੇ ਹਨ ਕਿ ਜੇਕਰ ਇਨਫੈਕਸ਼ਨ ਲੰਬੇ ਸਮੇਂ ਤੱਕ ਬਣੀ ਰਹੇ ਅਤੇ ਇਸ ਦਾ ਇਲਾਜ ਨਾ ਕੀਤਾ ਜਾਵੇ ਤਾਂ ਪੈਰੋਨਾਈਚੀਆ ਕਾਰਨ ਪਸ ਅਤੇ ਸੋਜ ਹੋ ਜਾਂਦੀ ਹੈ। ਇਸ ਕਾਰਨ ਤੁਹਾਨੂੰ ਥਕਾਵਟ ਮਹਿਸੂਸ ਹੋ ਸਕਦੀ ਹੈ ਅਤੇ ਬੁਖਾਰ ਅਤੇ ਚੱਕਰ ਆਉਣੇ ਵੀ ਸ਼ੁਰੂ ਹੋ ਸਕਦੇ ਹਨ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਗੰਭੀਰ ਅਤੇ ਪੁਰਾਣੀ ਪੈਰੋਨੀਚੀਆ ਇਨਫੈਕਸ਼ਨ ਜ਼ਿਆਦਾਤਰ ਉਨ੍ਹਾਂ ਲੋਕਾਂ ਨੂੰ ਪ੍ਰਭਾਵਿਤ ਕਰਦੀ ਹੈ ਜਿਨ੍ਹਾਂ ਨੂੰ ਸ਼ੂਗਰ ਦੀ ਬਿਮਾਰੀ ਹੈ।
ਪੈਰੋਨੀਚੀਆ ਦੀ ਵਧਦੀ ਲਾਗ ਦੇ ਨਾਲ, ਲੱਛਣ ਹਰ ਰੋਜ਼ ਬਦਲਦੇ ਰਹਿੰਦੇ ਹਨ। ਆਓ ਜਾਣਦੇ ਹਾਂ ਇਸ ਦੇ ਲੱਛਣਾਂ ਬਾਰੇ…
- ਨਹੁੰ ਦੇ ਦੁਆਲੇ ਚਮੜੀ ਦਾ ਲਾਲ ਹੋਣਾ
- ਨਾਜ਼ੁਕ ਚਮੜੀ
- ਪੱਸ ਨਾਲ ਭਰੇ ਫਫੋਲੇ ਬਣਨਾ
- ਨਹੁੰਆਂ ਦੀ ਸ਼ੇਪ, ਰੰਗ ਅਤੇ ਬਣਤਰ ਵਿੱਚ ਬਦਲਾਅ
- ਨਹੁੰ ਟੁੱਟਣਾ
- ਨਹੁੰ ਦੇ ਆਲੇ ਦੁਆਲੇ ਦਰਦ
- ਤੇਜ਼ ਬੁਖਾਰ ਅਤੇ ਚੱਕਰ ਆਉਣ
ਡਾਕਟਰਾਂ ਦਾ ਕਹਿਣਾ ਹੈ ਕਿ ਜੇਕਰ ਪੈਰੋਨੀਚੀਆ ਦਾ ਇਲਾਜ ਸਹੀ ਸਮੇਂ ‘ਤੇ ਨਾ ਕਰਵਾਇਆ ਜਾਵੇ ਤਾਂ ਨਹੁੰ ਅਸਧਾਰਨ ਰੂਪ ਨਾਲ ਵਧਦੇ ਦਿਖਾਈ ਦੇ ਸਕਦੇ ਹਨ। ਉਹਨਾਂ ਦੇ ਰੰਗਾਂ ਵਿੱਚ ਵੀ ਤਬਦੀਲੀ ਹੋ ਸਕਦੀ ਹੈ, ਜਿਵੇਂ ਕਿ ਉਹ ਪੀਲੇ ਜਾਂ ਹਰੇ ਹੋ ਸਕਦੇ ਹਨ। ਇੰਨਾ ਹੀ ਨਹੀਂ ਨਹੁੰ ਵੀ ਸਰੀਰ ਤੋਂ ਵੱਖ ਹੋ ਸਕਦੇ ਹਨ।
ਨਹੁੰ ਦੀ ਇਨਫੈਕਸ਼ਨ ਨੂੰ ਕਿਵੇਂ ਰੋਕਿਆ ਜਾਵੇ?
ਨਹੁੰਆਂ ਵਿੱਚ ਇਨਫੈਕਸ਼ਨ ਜਾਂ ਇਸ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਨੂੰ ਇਨ੍ਹਾਂ ਤਰੀਕਿਆਂ ਨਾਲ ਰੋਕਿਆ ਜਾ ਸਕਦਾ ਹੈ:-
- ਹਮੇਸ਼ਾ ਆਪਣੇ ਹੱਥ ਧੋਣ ਤੋਂ ਬਾਅਦ ਮਾਇਸਚਰਾਈਜ਼ਰ ਲਗਾਓ ਨਹੁੰ ਕੱਟਣ ਜਾਂ ਚਬਾਉਣ ਤੋਂ ਬਚੋ
- ਕਦੇ ਵੀ ਆਪਣਾ ਨੇਲ ਕਟਰ ਕਿਸੇ ਹੋਰ ਵਿਅਕਤੀ ਨਾਲ ਸਾਂਝਾ ਨਾ ਕਰੋ।
- ਨੇਲ ਕਟਰ ਦੀ ਵਰਤੋਂ ਕਰਨ ਤੋਂ ਬਾਅਦ ਹਮੇਸ਼ਾ ਉਸ ਨੂੰ ਧੋਵੋ।
- ਆਪਣੇ ਨਹੁੰਆਂ ਅਤੇ ਹੱਥਾਂ ਨੂੰ ਸਾਫ਼ ਅਤੇ ਸੁੱਕਾ ਰੱਖੋ।
- ਆਪਣੇ ਹੱਥਾਂ ਨੂੰ ਬੇਲੋੜੇ ਗਿੱਲੇ ਹੋਣ ਤੋਂ ਬਚੋ।
- ਜ਼ਿਆਦਾ ਦੇਰ ਤੱਕ ਪਾਣੀ ਵਿੱਚ ਹੱਥ ਨਾ ਪਾਓ।
- ਨਹੁੰ ਛੋਟੇ ਰੱਖੋ।
