ਮਾਈਕ੍ਰੋ ਬਲੌਗਿੰਗ ਪਲੇਟਫਾਰਮ ਟਵਿਟਰ ਦੇ ਮਾਲਕ ਐਲੋਨ ਮਸਕ ਹੁਣ ਆਮ ਉਪਭੋਗਤਾਵਾਂ ਤੋਂ ਵੀ ਪੈਸੇ ਇਕੱਠੇ ਕਰਨ ਦੀ ਤਿਆਰੀ ਕਰ ਰਹੇ ਹਨ। ਮਸਕ ਨੇ ਘੋਸ਼ਣਾ ਕੀਤੀ ਹੈ ਕਿ ਟਵਿੱਟਰ ਅਗਲੇ ਮਹੀਨੇ ਤੋਂ ਉਪਭੋਗਤਾਵਾਂ ਨੂੰ ਪਲੇਟਫਾਰਮ ‘ਤੇ ਖ਼ਬਰਾਂ ਜਾਂ ਲੇਖਾਂ ਨੂੰ ਪੜ੍ਹਨ ਲਈ ਚਾਰਜ ਕਰੇਗਾ।
ਕੰਪਨੀ ਦੇ ਮਾਲਕ ਐਲੋਨ ਮਸਕ ਨੇ ਆਪਣੇ ਟਵਿੱਟਰ ਰਾਹੀਂ ਇਹ ਨਵਾਂ ਐਲਾਨ ਕੀਤਾ ਹੈ। ਉਸਨੇ ਲਿਖਿਆ, “ਅਗਲੇ ਮਹੀਨੇ ਤੋਂ, ਪਲੇਟਫਾਰਮ ਮੀਡੀਆ ਪ੍ਰਕਾਸ਼ਕਾਂ ਨੂੰ ਇੱਕ ਲੇਖ ਦੇ ਅਧਾਰ ‘ਤੇ ਪ੍ਰਤੀ ਕਲਿੱਕ ਉਪਭੋਗਤਾਵਾਂ ਨੂੰ ਚਾਰਜ ਕਰਨ ਦੀ ਆਗਿਆ ਦੇਵੇਗਾ। ਇਹ ਉਹਨਾਂ ਉਪਭੋਗਤਾਵਾਂ ਲਈ ਹੋਵੇਗਾ ਜੋ ਮਾਸਿਕ ਗਾਹਕੀ ਲਈ ਸਾਈਨ ਅਪ ਨਹੀਂ ਕਰਦੇ ਹਨ। ਜਦੋਂ ਉਹ ਕਦੇ-ਕਦਾਈਂ ਲੇਖ ਪੜ੍ਹਨਾ ਚਾਹੁੰਦੇ ਹਨ, ਤਾਂ ਉਨ੍ਹਾਂ ਨੂੰ ਪ੍ਰਤੀ ਲੇਖ ਵੱਧ ਕੀਮਤ ਅਦਾ ਕਰਨੀ ਪਵੇਗੀ। ਮੀਡੀਆ ਸੰਸਥਾਵਾਂ ਅਤੇ ਜਨਤਾ ਦੋਵਾਂ ਲਈ ਇੱਕ ਵੱਡੀ ਜਿੱਤ ਹੋਣੀ ਚਾਹੀਦੀ ਹੈ।” ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਮਸਕ ਨੇ ਟਵਿਟਰ ਤੋਂ ਫ੍ਰੀ ਬਲੂ ਟਿੱਕ ਵੀ ਹਟਾ ਦਿੱਤੀ ਸੀ ।
