ਆਕਲੈਂਡ(ਬਲਜਿੰਦਰ ਸਿੰਘ ਰੰਧਾਵਾ)ਗਲੇਨਫੀਲਡ ਮੈਕਡੋਨਲਡ ‘ਚ 12 ਸਾਲ ਦੀ ਲੜਕੀ ਨਾਲ ਹੋਈ ਕੁੱਟਮਾਰ ਦੇ ਸੰਬੰਧ ‘ਚ ਆਕਲੈਂਡ ਪੁਲਿਸ ਵੱਲੋਂ ਇੱਕ 14 ਸਾਲ ਦੀ ਨਾਬਾਲਗ ਕੁੜੀ ਨੂੰ ਹਿਰਾਸਤ ‘ਚ ਲਿਆ ਗਿਆ ਹੈ |ਇਸ ਲੜਕੀ ਉੱਪਰ ਪੁਲਿਸ ਵੱਲੋਂ ਕੁੱਟਮਾਰ ਕਰਨ ਸੰਬੰਧੀ ਵੱਖ-ਵੱਖ ਧਰਾਵਾਂ ਤਹਿਤ ਮੁਕੱਦਮਾ ਦਰਜ ਗਿਆ ਹੈ |ਆਕਲੈਂਡ ਪੁਲਿਸ ਸਮੇਤ ਪ੍ਰਧਾਨਮੰਤਰੀ ਕ੍ਰਿਸ ਹਿਕਪਿਨਸ ਵੱਲੋਂ ਵੀ ਆਕਲੈਂਡ ‘ਚ ਵਾਪਰੀ ਇਸ ਘਟਨਾ ਦੀ ਨਿੰਦਾ ਕੀਤੀ ਗਈ ਹੈ |ਪ੍ਰਧਾਨਮੰਤਰੀ ਹਿਪਕਿਨਸ ਨੇ ਸਖਤ ਸ਼ਬਦ ਵਰਤਦਿਆਂ ਆਖਿਆ ਹੈ ਕਿ ਨਿਊਜ਼ੀਲੈਂਡ ਵਰਗੇ ਮੁਲਕ ‘ਚ ਅਜਿਹਾ ਵਿਵਹਾਰ ਬਿਲਕੁਲ ਵੀ ਬਰਦਾਸ਼ਤ ਕਰਨ ਯੋਗ ਨਹੀਂ ਹੈ |
ਜਿਕਰਯੋਗ ਹੈ ਕਿ 12 ਸਾਲ ਦੀ ਨਾਬਾਲਗ ਲੜਕੀ ਦੀ ਦੋ ਦਿਨ ਪਹਿਲਾਂ ਗਲੇਨਫੀਲਡ ‘ਚ ਮਾਮੂਲੀ ਗੱਲ ਨੂੰ ਲੈ ਕੇ ਨਾਬਾਲਿਗ ਕੁੜੀਆਂ ਵੱਲੋਂ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ ਗਈ ਸੀ |ਇਸ ਦੌਰਾਨ ਖੂਨ ਨਾਲ ਲੱਥਪੱਥ ਕੁੜੀ ਨੂੰ ਗੰਭੀਰ ਹਾਲਤ ‘ਚ ਹਸਪਤਾਲ ਲਿਜਾਇਆ ਗਿਆ ਸੀ |ਅੱਜ ਇਸ ਘਟਨਾ ‘ਚ ਗ੍ਰਿਫਤਾਰ ਕੁੜੀ ਨੂੰ ਨੌਰਥਸ਼ੋਰ ਜ਼ਿਲ੍ਹਾ ਅਦਾਲਤ ‘ਚ ਵੀ ਪੇਸ਼ ਕੀਤਾ ਜਾਵੇਗਾ |
