ਆਕਲੈਂਡ (ਬਲਜਿੰਦਰ ਸਿੰਘ ਰੰਧਾਵਾ) ਸਾਊਥਲੈਂਡ ‘ਚ ਕੱਲ੍ਹ ਦੁਪਹਿਰ ਇੱਕ ਮਛੇਰੇ ਦੀ ਲਾਸ਼ ਮਿਲਣ ਦੀ ਖਬਰ ਹੈ।ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਵਿਅਕਤੀ ਸਲੋਪ ਪੁਆਇੰਟ ਤੋਂ ਮੱਛੀਆਂ ਫੜ ਰਿਹਾ ਸੀ ਜਦੋਂ ਉਹ ਦੁਪਹਿਰ 2.20 ਵਜੇ ਦੇ ਕਰੀਬ ਪਾਣੀ ਵਿੱਚ ਵਹਿ ਗਿਆ।ਲੈਂਡ ਐਸਏਆਰ, ਬਲੱਫ ਅਤੇ ਰਿਵਰਟਨ ਕੋਸਟਗਾਰਡ, ਹੈਲੀਕਾਪਟਰ ਓਟੈਗੋ ਅਤੇ ਨੇੜਲੇ ਵਪਾਰਕ ਮੱਛੀ ਫੜਨ ਵਾਲੀ ਕਿਸ਼ਤੀ ਨੂੰ ਸ਼ਾਮਲ ਕਰ ਇੱਕ ਵਿਆਪਕ ਖੋਜ ਸ਼ੁਰੂ ਕੀਤੀ ਗਈ ਸੀ।ਪੁਲਿਸ ਨੇ ਦੱਸਿਆ ਕਿ ਥੋੜ੍ਹੀ ਦੇਰ ਬਾਅਦ ਇੱਕ ਵਿਅਕਤੀ ਦੀ ਲਾਸ਼ ਪਾਣੀ ਵਿੱਚ ਮਿਲੀ।ਵਿਅਕਤੀ ਦੇ ਪਰਿਵਾਰ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ।
