ਆਕਲੈਂਡ (ਬਲਜਿੰਦਰ ਸਿੰਘ)ਨੌਰਥ ਆਕਲੈਂਡ ਦੇ ‘ਤੇ ਵੂਲਵਰਥਸ ਸਟੋਰ ‘ਤੇ ਬੀਤੀ ਰਾਤ ਇੱਕ ਚੋਰੀ ਦੀ ਘਟਨਾ ਸਾਹਮਣੇ ਆ ਰਹੀ ਹੈ ਜਿੱਥੇ ਮੌਕੇ ਤੇ ਮੌਜੂਦ ਸਟਾਫ਼ ਨੇ ਆਪਣੇ ਆਪ ਨੂੰਪਿਛਲੇ ਕਮਰੇ ਵਿੱਚ ਬੰਦ ਕਰ ਆਪਣੀ ਜਾਨ ਬਚਾਈ।ਪੁਲਿਸ ਨੂੰ ਰਾਤ 1.35 ਵਜੇ ਟਾਕਾਪੁਨਾ ਦੇ ਬੈਰੀਜ਼ ਪੁਆਇੰਟ ਰੋਡ ‘ਤੇ ਸਥਿਤ ਵੂਲਵਰਥ ਘਟਨਾ ਸਬੰਧੀ ਬੁਲਾਇਆ ਗਿਆ ਸੀ। ਵੇਟੇਮਾਟਾ ਸੀਆਈਬੀ ਦੇ ਡਿਟੈਕਟਿਵ ਸਾਰਜੈਂਟ ਮਾਰਕ ਵਾਰਡਲਾ ਨੇ ਕਿਹਾ ਕਿ ਚਾਰ ਅਪਰਾਧੀਆਂ ਦੇ ਇੱਕ ਗਰੁਪ ਵੱਲੋਂ ਕਥਿਤ ਤੌਰ ‘ਤੇ ਸੁਪਰਮਾਰਕੀਟ ਵਿੱਚ ਦਾਖਲ ਹੋ ਕੇ ਕਈ ਚੀਜ਼ਾਂ ਅਤੇ ਨਕਦੀ ਚੋਰੀ ਕਰ ਲਈ। ਉਸ ਸਮੇਂ ਮੌਜੂਦ ਸਟਾਫ਼ ਨੂੰ ਮੁਸੀਬਤ ਦੌਰਾਨ ਆਪਣੇ ਆਪ ਨੂੰ ਪਿਛਲੇ ਕਮਰੇ ਵਿੱਚ ਬੰਦ ਕਰਨਾ ਪਿਆ।ਜਦੋਂ ਅਪਰਾਧੀ ਕਾਰਪਾਰਕ ਛੱਡ ਰਹੇ ਸਨ ਤਾਂ ਪੁਲਿਸ ਯੂਨਿਟ ਪਹੁੰਚ ਗਏ। ਉਨ੍ਹਾਂ ਦੀ ਕਾਰ ਫਿਰ ਪੁਲਿਸ ਦੀ ਇੱਕ ਕਾਰ ਵਿੱਚ ਜਾ ਵੱਜੀ। ਕੋਈ ਜ਼ਖਮੀ ਨਹੀਂ ਹੋਇਆ।ਦੱਸਿਆ ਜਾ ਰਿਹਾ ਹੈ ਅਪਰਾਧੀ ਮੌਕੇ ਤੋ ਫ਼ਰਾਰ ਹੋ ਗਏ ਜਿਨਾਂ ਦੀ ਗੱਡੀ ਗ੍ਰੀਨਲੇਨ ‘ਚ ਇੱਕ ਦਰੱਖਤ ਨਾਲ ਟਕਰਾ ਗਿਆ, ਜਿੱਥੇ ਡਰਾਈਵਰ ਭੱਜ ਗਿਆ ਸੀ।ਵਾਹਨ ਦੇ ਹਾਦਸਾਗ੍ਰਸਤ ਹੋਣ ਤੋਂ ਪਹਿਲਾਂ ਤਿੰਨ ਯਾਤਰੀ ਭੱਜ ਗਏ ਸਨ ਅਤੇ ਸਾਰਿਆਂ ਨੂੰ ਬਿਨਾਂ ਕਿਸੇ ਘਟਨਾ ਦੇ ਲੱਭ ਲਿਆ ਗਿਆ ਸੀ ਅਤੇ ਗ੍ਰਿਫਤਾਰ ਕਰ ਲਿਆ ਗਿਆ ਸੀ।
