ਜਦੋਂ ਅਮਰੀਕਾ ਰੂੜੀਵਾਦੀ ਕਾਰਕੁਨ ਚਾਰਲੀ ਕਿਰਕ ਦੀ ਮੌਤ ‘ਤੇ ਸੋਗ ਮਨਾ ਰਿਹਾ ਹੈ, ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਚਾਨਕ ਉਨ੍ਹਾਂ ਦੀ ਸ਼ਰਧਾਂਜਲੀ ਸਭਾ ‘ਚ ਡਾਂਸ ਕਰਨ ਲੱਗ ਪਏ। ਉਨ੍ਹਾਂ ਦੇ ਇਸ ਹਾਵ-ਭਾਵ ਨੇ ਭੀੜ ਨੂੰ ਹੈਰਾਨ ਕਰ ਦਿੱਤਾ ਅਤੇ ਚਾਰਲੀ ਕਿਰਕ ਦੀ ਪਤਨੀ, ਏਰਿਕਾ ਕਿਰਕ ‘ਤੇ ਮੁਸਕਰਾਹਟ ਆ ਗਈ।
ਇਹ ਸਮਾਰੋਹ ਐਰੀਜ਼ੋਨਾ ਦੇ ਗਲੇਨਡੇਲ ਦੇ ਸਟੇਟ ਫਾਰਮ ਸਟੇਡੀਅਮ ਵਿੱਚ ਹੋਇਆ, ਜਿੱਥੇ ਲਗਪਗ 65,000 ਲੋਕ ਸ਼ਰਧਾਂਜਲੀ ਸਭਾ ਵਿੱਚ ਸ਼ਾਮਲ ਹੋਏ। ਟਰੰਪ ਆਖਰੀ ਬੁਲਾਰੇ ਸਨ, ਜਿਨ੍ਹਾਂ ਨੇ ਚਾਰਲੀ ਕਿਰਕ ਦੇ ਜੀਵਨ ਦਾ ਧਾਰਮਿਕ ਜਸ਼ਨ ਮਨਾਇਆ।
ਟਰੰਪ ਨੇ ਕਿਰਕ ਨੂੰ ਦੱਸਿਆ ਸ਼ਹੀਦ
ਟਰੰਪ ਨੇ ਕਿਹਾ, “ਚਾਰਲੀ ਕਿਰਕ ਹੁਣ ਅਮਰੀਕੀ ਆਜ਼ਾਦੀ ਦੇ ਸ਼ਹੀਦ ਹਨ। ਮੈਂ ਇੱਥੇ ਸਾਰਿਆਂ ਵੱਲੋਂ ਕਹਿ ਸਕਦਾ ਹਾਂ ਕਿ ਚਾਰਲੀ ਨੂੰ ਕਦੇ ਨਹੀਂ ਭੁਲਾਇਆ ਜਾਵੇਗਾ, ਅਤੇ ਇਤਿਹਾਸ ਉਸਨੂੰ ਯਾਦ ਰੱਖੇਗਾ।”ਜਿਵੇਂ ਹੀ ਸਟੇਜ ‘ਤੇ “ਅਮਰੀਕਾ ਦਿ ਬਿਊਟੀਫੁੱਲ” ਗੀਤ ਚੱਲ ਰਿਹਾ ਸੀ, ਟਰੰਪ ਨੂੰ “ਅਮਰੀਕਾ” ਸ਼ਬਦ ਨਾਲ ਨੱਚਦੇ ਅਤੇ ਲਿਪ-ਸਿੰਕ ਕਰਦੇ ਦੇਖਿਆ ਗਿਆ। ਨੇੜੇ ਬੈਠੀ ਏਰਿਕਾ ਕਿਰਕ ਹੰਝੂਆਂ ਨਾਲ ਭਰੀ ਹੋਈ ਸੀ, ਪਰ ਉਸ ਪਲ ਨੇ ਉਸਦੇ ਚਿਹਰੇ ‘ਤੇ ਹਲਕੀ ਜਿਹੀ ਮੁਸਕਰਾਹਟ ਲਿਆ ਦਿੱਤੀ।
ਲੋਕਾਂ ਨੇ ਟਰੰਪ ਦੀ ਆਲੋਚਨਾ ਕੀਤੀ
ਇਸ ਵੀਡੀਓ ਨੇ ਸੋਸ਼ਲ ਮੀਡੀਆ ‘ਤੇ ਵਿਆਪਕ ਧਿਆਨ ਖਿੱਚਿਆ। ਪੱਤਰਕਾਰ ਮਾਈਕਲ ਟਰੇਸੀ ਨੇ ਇਸਨੂੰ ਸਾਂਝਾ ਕਰਦੇ ਹੋਏ ਲਿਖਿਆ, “ਟਰੰਪ ਨੇ ਚਾਰਲੀ ਕਿਰਕ ਦੀ ਵਿਧਵਾ ਨਾਲ ਇੱਕ ਮਜ਼ੇਦਾਰ ਡਾਂਸ ਕੀਤਾ।” ਹਾਲਾਂਕਿ, ਕੁਝ ਉਪਭੋਗਤਾਵਾਂ ਨੂੰ ਟਰੰਪ ਦਾ ਅੰਦਾਜ਼ ਪਸੰਦ ਨਹੀਂ ਆਇਆ, ਇੱਕ ਉਪਭੋਗਤਾ ਨੇ ਲਿਖਿਆ, “ਇਸਨੂੰ ਬੁਰਾ ਕਹਿਣਾ ਕਾਫ਼ੀ ਨਹੀਂ ਹੋਵੇਗਾ।”
