ਉੱਤਰੀ ਕੈਰੋਲੀਨਾ ਵਿੱਚ ਅਨਿਲ ਪਟੇਲ ਅਤੇ ਪੰਕਜ ਪਟੇਲ ਨਾਮ ਦੇ ਦੋ ਗੁਜਰਾਤੀ- ਭਾਰਤੀਆਂ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦੇਣ ਦੀ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ । ਜਿਸ ਨਾਲ ਅਮਰੀਕਾ ਵਿੱਚ ਰਹਿਣ ਵਾਲੇ ਗੁਜਰਾਤੀਆਂ ਵਿੱਚ ਭਾਰੀ ਰੋਸ ਹੈ। ਇਨ੍ਹਾਂ ਦੋਵਾਂ ਗੁਜਰਾਤੀਆਂ ਨੂੰ ਇੱਕ ਮੋਟਲ ਵਿੱਚ ਗੋਲੀ ਮਾਰ ਦਿੱਤੀ ਗਈ, ਇਹ ਮੋਟਲ ਜੋ ਕਿ ਪਹਿਲਾਂ ਵੀ ਕਈ ਵਾਰ ਵਿਵਾਦਾਂ ਵਿੱਚ ਰਿਹਾ ਹੈ ਅਤੇ ਪਿਛਲੇ ਸਾਲ ਇਸ ਨੂੰ ਬੰਦ ਕਰ ਦਿੱਤਾ ਗਿਆ ਸੀ। ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਦੋਹਰੀ ਗੋਲੀਬਾਰੀ ਦੀ ਘਟਨਾ ਵੀਰਵਾਰ, 2 ਅਕਤੂਬਰ ਨੂੰ ਦੁਪਹਿਰ 1:15 ਵਜੇ ਨੌਰਥਵੈਸਟ ਸ਼ਾਰਲੋਟ ਦੇ ਐਡਲਮੈਨ ਰੋਡ ‘ਤੇ ਲੈਂਪਲਾਇਟਰ ਇਨ ਮੋਟਲ ਵਿੱਚ ਵਾਪਰੀ। ਜਦੋਂ ਪੁਲਿਸ ਮੋਟਲ ਵਿੱਚ ਗੋਲੀਬਾਰੀ ਬਾਰੇ 911 ਤੇ ਕਾਲ ਮਿਲਣ ਤੋਂ ਬਾਅਦ ਮੌਕੇ ‘ਤੇ ਪਹੁੰਚੀ, ਤਾਂ ਉਨ੍ਹਾਂ ਨੇ ਅਨਿਲ ਪਟੇਲ ਅਤੇ ਪੰਕਜ ਪਟੇਲ ਨੂੰ ਗੰਭੀਰ ਹੂਪ ਚ’ ਜ਼ਖਮ ਪਾਇਆ। ਉਨ੍ਹਾਂ ਨੂੰ ਤੁਰੰਤ ਪੈਰਾਮੈਡਿਕਸ ਦੁਆਰਾ ਸਥਾਨਕ ਹਸਪਤਾਲ ਲਿਜਾਇਆ ਗਿਆ ਪਰ ਉੱਥੇ ਇਲਾਜ ਦੌਰਾਨ ਉਨ੍ਹਾਂ ਦੀ ਮੌਤ ਹੋ ਗਈ। ਇਸ ਬਾਰੇ ਕੋਈ ਜਾਣਕਾਰੀ ਉਪਲਬਧ ਨਹੀਂ ਹੈ ਕਿ ਦੋਵੇਂ ਗੁਜਰਾਤੀ ਇੱਕ ਦੂਜੇ ਨਾਲ ਸਬੰਧਤ ਸਨ ਜਾਂ ਉਨ੍ਹਾਂ ਦੇ ਕਤਲ ਪਿੱਛੇ ਕੀ ਮਨੋਰਥ ਸੀ। ਦੂਜੇ ਪਾਸੇ, ਕਾਤਲ ਦੀ ਪਛਾਣ ਓਜੁਨਾ-ਸੀਅਰਾ ਵਜੋਂ ਹੋਈ ਹੈ, ਜਿਸਨੂੰ ਫਲੋਰੀਡਾ ਵਿੱਚ ਗ੍ਰਿਫਤਾਰ ਕਰ ਲਿਆ ਹੈ। ਜਿਸ ਹੋਟਲ ਵਿੱਚ ਗੋਲੀਬਾਰੀ ਹੋਈ ਸੀ, ਉਹ ਲੈਂਪਲਾਈਟਰ ਇਨ, ਕਦੇ ਗੈਰ-ਕਾਨੂੰਨੀ ਗਤੀਵਿਧੀਆਂ ਲਈ ਬਦਨਾਮ ਸੀ ਅਤੇ ਨਵੰਬਰ ਅਤੇ ਦਸੰਬਰ 2024 ਦੇ ਵਿਚਕਾਰ ਬੰਦ ਹੋ ਗਿਆ ਸੀ। ਜਾਣਕਾਰੀ ਦੇ ਅਨੁਸਾਰ, ਮੋਟਲ ਇਸ ਸਮੇਂ ਮੁਰੰਮਤ ਅਤੇ ਦੁਬਾਰਾ ਖੋਲ੍ਹਣ ਦਾ ਕੰਮ ਚਲ ਰਿਹਾ ਸੀ। ਹਾਲਾਂਕਿ, ਗੋਲੀ ਮਾਰ ਕੇ ਮਾਰੇ ਗਏ ਦੋ ਗੁਜਰਾਤੀਆਂ, ਅਨਿਲ ਪਟੇਲ ਅਤੇ ਪੰਕਜ ਪਟੇਲ ਵਿਚਕਾਰ ਸਬੰਧ ਬਾਰੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੈ। ਪਰ ਮੋਟਲ ਪਾਰਕਿੰਗ ਵਿੱਚ ਦੋਨੇ ਗੁਜਰਾਤੀਆਂ ‘ਤੇ ਸੱਤ ਗੋਲੀਆਂ ਚਲਾਈਆਂ ਗਈਆਂ। ਅਤੇ ਹਸਪਤਾਲ ਵਿੱਚ ਇਲਾਜ ਦੋਰਾਨ ਉਹਨਾਂ ਦੀ ਮੋਤ ਹੋ ਗਈ।
