ਪੈਰਿਸ ਦੇ ਵਿਸ਼ਵ-ਪ੍ਰਸਿੱਧ louvre Museum ਤੋਂ ਕੀਮਤੀ ਗਹਿਣਿਆਂ ਤੇ ਹੀਰਿਆਂ ਦੀ ਚੋਰੀ ਦੇ ਮਾਮਲੇ ਵਿੱਚ ਦੋ ਸ਼ੱਕੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸ਼ੱਕੀ ਫਰਾਂਸ ਦੇ ਸਭ ਤੋਂ ਪਛੜੇ ਖੇਤਰਾਂ ਵਿੱਚੋਂ ਇੱਕ, ਸੈਨ-ਸੇਂਟ-ਡੇਨਿਸ ਖੇਤਰ ਦੇ ਵਸਨੀਕ ਹਨ।ਅਧਿਕਾਰੀਆਂ ਦੇ ਅਨੁਸਾਰ ਇੱਕ ਸ਼ੱਕੀ ਨੂੰ ਸ਼ਨੀਵਾਰ ਰਾਤ 10 ਵਜੇ (2000 GMT) ਦੇ ਕਰੀਬ ਪੈਰਿਸ-ਚਾਰਲਸ ਡੀ ਗੌਲ ਹਵਾਈ ਅੱਡੇ ‘ਤੇ ਹਿਰਾਸਤ ਵਿੱਚ ਲਿਆ ਗਿਆ ਜਦੋਂ ਉਹ ਅਲਜੀਰੀਆ ਲਈ ਇੱਕ ਜਹਾਜ਼ ਵਿੱਚ ਸਵਾਰ ਹੋਣ ਵਾਲਾ ਸੀ। ਦੂਜੇ ਸ਼ੱਕੀ ਨੂੰ ਥੋੜ੍ਹੀ ਦੇਰ ਬਾਅਦ ਪੈਰਿਸ ਖੇਤਰ ਤੋਂ ਗ੍ਰਿਫ਼ਤਾਰ ਕਰ ਲਿਆ ਗਿਆ।ਫਰਾਂਸੀਸੀ ਪੁਲਿਸ ਨੂੰ ਸ਼ੱਕੀਆਂ ਬਾਰੇ ਜਾਣਕਾਰੀ
ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ ਸ਼ੱਕੀਆਂ ਵਿੱਚੋਂ ਇੱਕ ਫਰਾਂਸੀਸੀ ਨਾਗਰਿਕ ਹੈ, ਜਦੋਂ ਕਿ ਦੂਜੇ ਕੋਲ ਫਰਾਂਸੀਸੀ ਅਤੇ ਅਲਜੀਰੀਆਈ ਨਾਗਰਿਕਤਾ ਹੈ। ਦੋਵੇਂ ਕਥਿਤ ਤੌਰ ‘ਤੇ 30 ਸਾਲ ਦੇ ਹਨ ਅਤੇ ਫਰਾਂਸੀਸੀ ਪੁਲਿਸ ਨੂੰ ਪਤਾ ਸੀ।
ਚੋਰੀ ਕਿਵੇਂ ਕੀਤੀ ਗਈ?
ਲੂਵਰ ਵਿੱਚ ਇਹ ਵੱਡੀ ਚੋਰੀ 19 ਅਕਤੂਬਰ ਨੂੰ ਹੋਈ। ਚੋਰਾਂ ਨੇ ਅਜਾਇਬ ਘਰ ਦੇ ਖੁੱਲ੍ਹਣ ਦੇ ਸਮੇਂ ਦੌਰਾਨ ਇੱਕ ਉੱਪਰਲੀ ਖਿੜਕੀ ਤੋੜਨ ਲਈ ਇੱਕ ਕਰੇਨ ਦੀ ਵਰਤੋਂ ਕੀਤੀ ਤੇ ਗੈਲਰੀ ਡੀ’ਅਪੋਲਨ ਜਾਂ ਅਪੋਲੋ ਗੈਲਰੀ ਤੋਂ ਲਗਪਗ $102 ਮਿਲੀਅਨ ਦੇ ਅੱਠ ਕੀਮਤੀ ਗਹਿਣੇ ਚੋਰੀ ਕਰ ਲਏ। ਇਹ ਲਗਪਗ ਸੱਤ ਮਿੰਟਾਂ ਵਿੱਚ ਹੋਇਆ। ਫਿਰ ਉਹ ਮੋਟਰਸਾਈਕਲਾਂ ‘ਤੇ ਭੱਜ ਗਏ, ਜਿਸ ਨਾਲ ਫਰਾਂਸ ਭਰ ਵਿੱਚ ਭਾਰੀ ਤਲਾਸ਼ੀ ਸ਼ੁਰੂ ਹੋ ਗਈ।
